నిత్యామీనన్, సంయుక్త మీనన్ హీరోయిన్స్ గా నటిస్తున్న ఈ మూవీకి థమన్ సంగీత దర్శకుడు. మాటల మాంత్రికుడు త్రివిక్రమ్ శ్రీనివాస్ డైలాగ్స్, స్క్రిప్ట్ అందిస్తున్న ఈ మూవీని కరోనా పరిస్థితుల తగ్గుదలని బట్టి ఈనెల 25న లేదా ఏప్రిల్ 1న రిలీజ్ చేయనున్నట్లు ఇటీవల చిత్ర యూనిట్ ప్రకటించింది. మరోవైపు ఈ సినిమా నుండి రిలీజ్ అయిన నాలుగు సాంగ్స్ అందరినీ ఆకట్టుకోగా త్వరలో ఐదవ సాంగ్ ని కూడా రిలీజ్ చేయనున్నట్లు టాక్. అయితే లేటెస్ట్ టాలీవుడ్ వర్గాల సమాచారం ప్రకారం భీమ్లా నాయక్ మూవీ మొత్తంగా రూ. 100 కోట్లకు పైగా అన్ని ప్రాంతాల బిజినెస్ ని నేడు పూర్తి చేశారట.
చాలా ఏరియాల్లో ఈ సినిమా భారీ ధరకు అమ్ముడైందని, తప్పకుండా వకీల్ సాబ్ తరువాత పవన్ నుండి వస్తున్న ఈ భీమ్లా నాయక్ మూవీ కూడా సూపర్ హిట్ కొట్టడం ఖాయం అని యూనిట్ ఆశాభావం వ్యక్తం చేస్తున్నట్లు తెలుస్తోంది. కాగా ఈ సినిమాని ఒరిజినల్ మలయాళ మాతృక కథని తీసుకుని కొంతవరకు మార్పు చేసి మన తెలుగు నేటివిటీకి తగ్గట్లుగా యాక్షన్ తో కూడిన మాస్ ఎంటర్టైనర్ గా దర్శకుడు సాగర్ తెరకెక్కిస్తున్నారట. మరి తొలిసారిగా పవన్, రానా ల కాంబోలో రానున్న బీమ్లా నాయక్ ఎంతవరకు ప్రేక్షకాభిమానులని అలరిస్తుందో చూడాలి.
