ఇటీవల హిందీలో రిలీజ్ అయి మంచి సక్సెస్ అందుకున్న పింక్ మూవీకి తెలుగు రీమేక్ గా తెరకెక్కుతున్న ఈ వకీల్ సాబ్ స్క్రిప్ట్ ని మన తెలుగు నేటివిటీకి తగ్గట్లుగా దర్శకుడు వేణు శ్రీరామ్ కొద్దిపాటి మార్పులు చేర్పులు చేసి తీస్తున్నట్లు తెలుస్తోంది. దీనితో పాటు మరోవైపు అతి త్వరలో క్రిష్ తో చేస్తున్న పీరియాడికల్ సినిమా తదుపరి షెడ్యూల్ లో పాల్గొననున్న పవన్, ఆ తరువాత హరీష్ శంకర్ తో ఒక సినిమా, సురేందర్ రెడ్డి తో ఒకటి, యువ దర్శకడు సాగర్ వి చంద్ర తో మరొక సినిమా చేయనున్న విషయం తెలిసిందే.
కాగా తన స్నేహితుడు రామ్ తాళ్లూరి నిర్మాణంలో సురేందర్ రెడ్డి దర్శకత్వంలో తెరకెక్కనున్న సినిమాకు సంబంధించి ప్రస్తుతం ఒక వార్త ఫిలిం నగర్ వర్గాల్లో బాగా చక్కర్లు కొడుతోంది. దాని ప్రకారం ఈ సినిమా స్టోరీ అదిరిపోయిందని, పవర్ స్టార్ ఫ్యాన్స్ తో పాటు అన్ని వర్గాల ప్రేక్షకులను ఆకట్టుకునే విధంగా దర్శకుడు సురేందర్ రెడ్డి ఈ స్క్రిప్ట్ ని సిద్ధం చేసారని అంటున్నారు. ఇక ఇందులో పవన్ కళ్యాణ్ పాత్ర నెవర్ బిఫోర్ నెవర్ ఎగైన్ అనే రేంజ్ లో ఉంటుందని, ఇక రిలీజ్ తరువాత ఈ సినిమా టాలీవుడ్ లో సరికొత్త రికార్డ్స్ సృష్టించడం ఖాయం అని అంటున్నారు. మరి ప్రస్తుతం ప్రచారం అవుతున్న ఈ వార్త ప్రకారం పవన్, సురేందర్ రెడ్డి ల కాంబో సినిమా అదే రేంజ్ లో అదరగొడితే పవన్ ఫ్యాన్స్ ఆనందానికి అవధులు ఉండవు అనే చెప్పాలి...!