అయితే ఇక ఇటీవలే జరిగిన టి20 వరల్డ్ కప్ ఫైనల్లో అటు ఇంగ్లాండ్ కు అదృష్టం కూడా కలిసి వచ్చింది అని చెప్పాలి. ఈ మ్యాచ్ లో భాగంగా ముందుగా బ్యాటింగ్ చేసిన పాకిస్తాన్ పెద్దగా ప్రభావం చూపలేకపోయింది. ఈ క్రమంలోనే నిర్ణయిత 20 ఓవర్లలో 137 పరుగులు మాత్రమే చేయగలిగింది. దీంతో స్వల్ప లక్ష్యంతో బరిలోకి దిగిన ఇంగ్లాండు ఎంతో అలవోకగా విజయం సాధిస్తుందని అందరూ అనుకున్నారు. కానీ వరుసగా వికెట్లు కోల్పోవడంతో ఇంగ్లాండ్ కూడా కష్టాల కడల నుంచి పట్టుదలతో బయటపడింది అని చెప్పాలి.
అదే సమయంలో చివరిలో పాకిస్తాన్ స్టార్ బౌలర్ షాహిన్ ఆఫ్రిది గాయపడటం ఇంగ్లాండ్ జట్టుకు కలిసి వచ్చింది. అయితే వరల్డ్ కప్ ఫైనల్లో ఓటమి తర్వాత ఇదే విషయంపై మాట్లాడాడు పాకిస్తాన్ కెప్టెన్ బాబర్ ఆజాం. తొలి రెండు మ్యాచ్లు ఓడి వరసగా నాలుగు మ్యాచ్లు గెలిచి ఇక్కడి వరకు రావడం ఎంతో గొప్ప. ఇంకో 20 పరుగులు అదనంగా చేసి ఉంటే బాగుండేది. కానీ మా బౌలర్లు అద్భుతంగా పోరాడారు. దురదృష్టవశాత్తు షాహిన్ ఆఫ్రిది గాయపడ్డాడు. అది ఆటలో భాగం అయినప్పటికీ అతను జట్టులో ఉండి ఉంటే మాత్రం ఫలితం వేరేలా ఉండేది అంటూ బాబర్ చెప్పుకొచ్చాడు. తమది వరల్డ్ లోనే బెస్ట్ బౌలింగ్ ఏటాకింగ్ బౌలింగ్ అంటూ చెప్పుకొచ్చాడు బాబర్.