పవన్ కళ్యాణ్ నటిస్తున్న ఈ సినిమాలో ఆయన పాత్ర రెండు విభిన్న షేడ్స్‌లో ఉంటుందని సమాచారం. ఆయన గతంలో నటించిన 'బాలు' మరియు 'పంజా' చిత్రాలలో గ్యాంగ్‌స్టర్ పాత్రలు గుర్తుకొచ్చినప్పటికీ, ఈసారి సుజిత్ టేకింగ్ ఆ సినిమాలను మించి ఉంటుందని ఫ్యాన్స్ అంటున్నారు. సుజిత్ 'సాహో' చిత్రంలో యాక్షన్ సన్నివేశాలను అద్భుతంగా చిత్రీకరించారు. అదే తరహాలో 'ఓజీ'లోనూ యాక్షన్ సన్నివేశాలు ఉన్నత స్థాయిలో ఉంటాయని ఆశిస్తున్నారు.
ఈ సినిమాలో పవన్ కళ్యాణ్ సరసన ప్రియాంక మోహన్ కథానాయికగా నటిస్తున్నారు. అలాగే బాలీవుడ్ నటుడు ఇమ్రాన్ హష్మి కీలక పాత్రలో నటిస్తున్నారు. ఈ చిత్రం యాక్షన్ డ్రామాగా రూపొందుతోంది. పవన్ కళ్యాణ్ గ్యాంగ్‌స్టర్ పాత్రలో నటిస్తున్న ఈ సినిమాపై అభిమానుల్లో ఎంతో ఆసక్తి నెలకొంది. కొంతమంది పవన్ అభిమానులు, పవన్ గతంలో నటించిన పంజా, బాలు సినిమాలు ఫ్లాప్ అయ్యాయి కాబట్టి OG కూడా అలా అవుతుందేమోనని ఆందోళన చెందుతున్నారు. పవన్ కళ్యాణ్ పంజా, బాలు, ఓజీ ఈ మూడు సినిమాలలో గ్యాంగ్‌స్టర్ పాత్రలలో కనిపించడం వల్ల ఈ అనుమానాలు తలెత్తుతున్నాయి. కానీ సుజిత్ టేకింగ్ ఈ సెంటిమెంట్‌ను కచ్చితంగా బ్రేక్ చేస్తుందని నిర్మాతలు ధీమా వ్యక్తం చేస్తున్నారు.
ఈ సినిమా నుంచి ఇప్పటివరకు విడుదలైన పోస్టర్లు, గ్లిమ్ప్స్‌ అభిమానులను బాగా ఆకట్టుకున్నాయి. అవి సినిమాపై హైప్‌ను మరింత పెంచాయి. 'ఓజీ' చిత్రం పవన్ కెరీర్‌లో మరొక గొప్ప సినిమాగా నిలుస్తుందని చాలామంది నమ్ముతున్నారు. ఈ చిత్రం ప్రేక్షకుల అంచనాలను ఏ మేరకు అందుకుంటుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి