గ్యాస్, అజీర్ణం, అసిడిటీ లాంటి సమస్యలకు ఇది సహాయకారిగా మారుతుంది. అతిసారం, డయేరియా ఉన్నపుడు కూడా ఉపయోగపడుతుంది. ఇందులో ఉండే యాంటీ ఆక్సిడెంట్లు శరీరంలోని మలినాలను తొలగించి రక్తాన్ని శుద్ధి చేస్తాయి. చర్మ సంబంధిత సమస్యలు తగ్గుతాయి. మొటిమలు, బ్లాక్ స్పాట్స్ వంటి సమస్యలు తగ్గుతాయి. నేరేడు పండు లోని విటమిన్ A, విటమిన్ C మరియు యాంటీఆక్సిడెంట్లు చర్మాన్ని ఆరోగ్యంగా ఉంచుతాయి. ఇది చర్మానికి ప్రకాశం తీసుకొస్తుంది, వయస్సు ఎక్కువగా కనపడకుండా అడ్డుకుంటుంది. నేరేడు పండు ఐరన్‌లో సమృద్ధిగా ఉంటుంది. ఇది రక్తహీనతను తగ్గించడంలో సహాయపడుతుంది. గర్భిణీలు, పెరుగుతున్న పిల్లలు తీసుకుంటే రక్తహీనత సమస్య తగ్గుతుంది. వేసవిలో తిన్నప్పుడు శరీరాన్ని చల్లబరుస్తుంది.
దీనివల్ల వేడి వల్ల వచ్చే బలహీనత, నీరసం తొలగుతుంది. అధిక మూత్రం, ముదురు మూత్రం వంటి సమస్యలను తగ్గిస్తుంది. మూత్రపిండాల ఆరోగ్యానికి సహాయపడుతుంది. నేరేడు పండు లోని పొటాషియం గుండె మోగడం, రక్తపోటు నియంత్రణలో కీలక పాత్ర వహిస్తుంది. హార్ట్ స్ట్రోక్, హై బీపీ వంటి సమస్యలను తగ్గించడంలో సహాయపడుతుంది. నేరేడు పండులో ఉండే ఫ్లావనాయిడ్లు, పొలిఫినాల్స్ వంటివి శరీరంలో కేన్సర్ కారక కణాలను అడ్డుకుంటాయి. ఫ్రీ రాడికల్స్‌ వల్ల కలిగే హాని నుండి రక్షణ కలిగిస్తుంది. తాజా నేరేడు పండ్లను ఉదయం లేదా సాయంత్రం తినాలి. గింజల్ని ఎండబెట్టి పొడి చేసి, రోజుకి అర టీస్పూన్ గోరువెచ్చని నీటితో తాగాలి. స్మూదీలు, సలాడ్లు లేదా జ్యూస్ రూపంలో కూడా తీసుకోవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి