కొరియన్ మూవీ అయిన మిస్ గ్రానీ తెలుగు రీమేక్ గా తెరకెక్కింది ఓ బేబీ సినిమా. అయితే ఈ సినిమాలో వయస్సు పైబడిన మహిళ పాత్రలో ఇక సీనియర్ యాక్టర్ లక్ష్మి నటిస్తోంది. అయితే ఈ సినిమాలో ఒక తల్లి యొక్క ప్రేమ ఆరాటాన్ని కళ్లకు కట్టినట్టుగా చూపించడంలో దర్శకుడు సక్సెస్ అయ్యాడు. 60, 70 ఏళ్ళు వచ్చిన తర్వాత ఇంట్లో కోడలు, కొడుకు ఇక మనవళ్లు, మనవరాళ్లు ఉన్న సమయంలో.. కుటుంబంపై మహిళ ఎంతగానో ప్రేమను చూపిస్తూ ఉంటుంది. కానీ జనరేషన్ గ్యాప్ కారణంగా ఆ మహిళ చూపించే ప్రేమ అందరికీ చాదస్తంగా అర్థమవుతూ ఉంటుంది.
కానీ ఒక్కసారి అందరికి ఆ వృద్ధురాలు దూరమైతే పరిస్థితి ఎలా ఉంటుంది అనే విషయాన్ని చూపిస్తూనే.. ఇక వృద్ధురాలిది చాదస్తం కాదు.. అమితమైన ప్రేమ అన్న విషయాన్ని సినిమాలో అద్భుతంగా చూపించాడు దర్శకుడు. తన కొడుకు ఎంత పెద్ద వాడు అయినప్పటికీ తల్లికి మాత్రం తన వడిలో నిద్రపోయే చిన్నపిల్లాడిలా గానే కనిపిస్తాడు అనే ఎమోషన్ ప్రేక్షకుల మనసును తాకుతుంది. ప్రతి కుటుంబంలో నాన్నమ్మ,అమ్మమ్మ,తాతయ్యల పాత్ర ఎంత ముఖ్యమైనది అన్న విషయాన్ని ఇక ఈ సినిమా చెప్పకనే చెబుతుంది. ఇక ఈ సినిమాలో సమంత, నటి లక్ష్మి తమ పాత్రలో ఒదిగిపోయి నటించిన తీరు ప్రేక్షకులను మంత్రముగ్ధుల్ని చేస్తుంది.
