ఇక కాపుల విషయానికొస్తే, జనసేన అధినేత పవన్ కళ్యాణ్ ప్రభావంతో ఈ వర్గం పెద్ద మొత్తంలో జనసేన వైపే మొగ్గు చూపుతోంది. సర్వేల ప్రకారం, 70-80 శాతం కాపులు జనసేనను బలపరుస్తున్నారు. మిగిలిన వారు 10-15 శాతం టీడీపీకి, 10 శాతం వైసీపీకి మద్దతు ఇస్తున్నట్టు పేర్కొనబడింది. తటస్థంగా ఉన్న వారు 2-3 శాతం మాత్రమే ఉన్నారు. ఈ పరిస్థితుల్లో, అసలైన ప్రశ్న రెడ్డి సామాజిక వర్గంపై ఉంది. వైఎస్ రాజశేఖరరెడ్డి తరువాత, జ‌గ‌న్‌మోహ‌న్ రెడ్డిని రెడ్డి వర్గం బలమైన నాయకుడిగా చూసింది. కానీ, 2019 తరువాత రెడ్డిల మద్దతు గణనీయంగా తగ్గిందని తాజా సర్వేలు స్పష్టం చేస్తున్నాయి.
గతంలో 70 శాతం మంది రెడ్లు వైసీపీకి అనుకూలంగా ఉన్నప్పటికీ, ప్రస్తుతం ఈ సంఖ్య 42 శాతానికి పరిమితమైందని పేర్కొనబడింది. మిగిలిన 35 శాతం టీడీపీకి గట్టి మద్దతు ఇస్తుండగా, 10 శాతం జనసేన వైపు మొగ్గు చూపుతున్నారని తెలుస్తోంది. తటస్థంగా ఉన్నవారు 5 శాతం. ఈ గణాంకాలు చూస్తే, వైసీపీకి ఓదార్పు అవసరం. రెడ్డి సామాజిక వర్గం నుంచి వచ్చే మద్దతు చీలికగా మారుతున్న నేపథ్యంలో, జగన్ పునరాలోచన అవసరమన్న అభిప్రాయం విశ్లేషకులలో వ్యక్తమవుతోంది. రాజకీయంగా బలంగా ఉండాలంటే, సామాజిక వర్గాల ఐక్యతే కీలకం. అటువంటి సమయంలో, వైసీపీకి ఇప్పటికే కోల్పోయిన మద్దతు తిరిగి పొందేందుకు వ్యూహాలను మారుస్తేనే ఫలితాలు కనపడతాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి