అసలు ఏ నిర్ణయం తీసుకుంటారు ఏంటి అనేది ఒక్కసారి చూస్తే త్వరలోనే బిజెపి అధిష్టానం తెలంగాణకు ఒక కమిటీని ప్రకటించే అవకాశాలు ఉన్నాయని తెలుస్తుంది. ఈ కమిటీలో కొంతమంది కీలక నేతలను పెట్టి ఎవరైతే పార్టీ కోసం పని చేయడం లేదో వారందరినీ కూడా పార్టీ నుంచి పంపించే విధంగా ప్రణాళికలు సిద్ధం చేస్తున్నారు. అంతేకాకుండా టిఆర్ఎస్ పార్టీ తో పాటుగా ఇతర పార్టీలతో స్నేహం చేసే నేతలను కూడా ఇప్పుడు చాలా వరకు కూడా పక్కన పెట్టే విధంగా ప్లాన్ చేస్తున్నట్టుగా తెలుస్తోంది.
ఎవరైతే మాట వినకుండా వ్యవహరిస్తున్నారో పార్టీ అధిష్టానం నిర్ణయాలను కూడా కనీసం పట్టించుకోవడం లేదో వారందరి మీద కూడా ఇప్పుడు ఫోకస్ పెట్టినట్లుగా తెలుస్తుంది. త్వరలోనే కొంతమంది నేతలను బయటకు పంపించే విధంగా ప్లాన్ చేస్తున్నట్లు సమాచారం. మరి ఎవరిని పంపిస్తారు ఏంటి అనేది చూడాలి. దుబ్బాక ఉప ఎన్నికల ప్రచారంలో కూడా ఆశించిన స్థాయిలో బీజేపీ నేతలు పని చేయలేదు అని పలువురు ఆగ్రహం వ్యక్తం చేస్తున్నారు. ఒకపక్కన బండి సంజయ్ ధర్మపురి అరవింద్ కష్టపడుతున్న సరే మిగిలిన నేతలు మాత్రం సైలెంట్ గా ఉంటున్నారు అని దీనితో టిఆర్ఎస్ పార్టీ ఏదైనా మాట్లాడగలుగుతుంది అని పలువురు ఆవేదన వ్యక్తం చేస్తున్నారు.