జీవితంలో అనుకున్నవి సాధించాలి అని అందరికీ ఉంటుంది. కానీ కొందరు మాత్రమే తాము కోరుకున్న తీరాలకు చేరుకుంటారు. అనుకున్నది సాధించాలి అంటే అదృష్టం ఒకటి ఉంటే సరిపోదు. ఎందుకంటే చాలా మంది ఏమని అపోహ పడుతూ ఉంటారు అంటే, నేను చాలా అదృష్టవంతుడిని నాకు అన్ని అలా కలిసి వచ్చేస్తాయి అనుకుంటే పొరపాటే ఏదో కొన్ని అలా కలిసొచ్చాయి కదా అని అన్ని అలాగే రావాలి అని లేదు. అందుకు తోడుగా మీ ప్రయత్నం తప్పనిసరి. అయితే మీరు ఆశించిన గమ్యం చేరాలి అంటే కొన్ని సూత్రాలను పాటించాలి. అవేంటో ఇపుడు చూద్దాం.

భయాన్ని వీడాలి

అనుకున్నది సాధించడం కోసం కొన్ని సార్లు దైర్యం చేయాల్సి వస్తుంది, అయితే అందుకోసం రిస్క్ మాత్రం తప్పక చేయాల్సి ఉంటుంది. అలాంటప్పుడు రిస్క్ మనకెందుకులే అనుకుంటే అనుకున్న దాన్ని పొందలేము.   లక్ష్యాన్ని చేరుకునే క్రమంలో ఏ మాత్రం తడబడకుండా ముందుకు వెళితేనే లక్ష్యాన్ని చేరుకోగలము.

చిత్తశుద్ధి

ముందుగా చెప్పినట్లు అదృష్టాన్ని పూర్తిగా నమ్ముకుంటే పని జరగదు. లక్ష్యాన్ని ఖచ్చితంగా  చేరుకోవాలనే చిత్తశుద్ధి ఉంటే  ఫలితం తప్పక లభిస్తుంది. అంతే కాకుండా చేసే పని పట్ల పూర్తిగా చిత్త శుద్ధి ఉండాలి.

నమ్మకం, క్రమశిక్షణ

ఏ పని అయినా సరే పూర్తి చేయాలి అంటే నమ్మకం తప్పకుండా ఉండాలి. ఉదాహరణకు చెట్టుపై ఉన్న జామకాయను చూసి ఆశ పడి పొందాలి అనుకున్నప్పుడు దానిని పొందగలను అనే నమ్మకం నీలో ఏర్పడాలి. అప్పుడే నీ మెదడు అందుకు మార్గాన్ని చూడటం మొదలు పెడుతుంది. ఆలోచించి కాయను ఎలాగోలా పొందుతారు. అదే విధంగా పని ఏదైనా అది చేయగలను అనే ఆత్మవిశ్వాసం నమ్మకం మీ పై మీకు ఉండాలి. అదే సమయంలో క్రమశిక్షణ కూడా చాలా ప్రధానం.

ఇలా పైన తెలిపిన 3 లక్షణాలు మీలో ఉంటే ఎంతటి లక్ష్యాన్ని అయినా పొందగలరు.



మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

vijayam meedhe

VAMSI

05/02/2022 09:00 PM