కానీ కోవిడ్ కారణంగా ‘ఆర్.ఆర్.ఆర్’ వాయిదా పడింది. ఎన్టీఆర్ డేట్స్ అందుబాటులో లేకపోవడంతో త్రివిక్రమ్ ఆ స్క్రిప్ట్‌ను మహేష్ బాబుతో సెటప్ చేశారు. ‘అతడు’, ‘ఖలేజా’ తర్వాత ఈ కాంబో మళ్లీ వస్తోందని అభిమానులు ఆనందపడ్డారు. అంతే కాకుండా కె.జి.ఎఫ్ స్టంట్ మాస్టర్స్‌తో భారీ యాక్షన్ సీన్స్ కూడా షూట్ చేశారు. పూజా హెగ్డే, సునీల్ వంటి పలువురు ఆర్టిస్టులతో తీసిన ఫుటేజీకి బోల్డంత ఖర్చు పెట్టారు. అయితే మధ్యలోనే త్రివిక్రమ్ మనసు మార్చేసుకున్నారు. స్క్రిప్ట్ మొత్తం రీ–రైట్ చేసి, ఫ్రెష్‌గా కొత్త కథతో ముందుకు వెళ్లారు. ఇప్పటికే షూట్ చేసిన ఫుటేజీ అంతా డస్ట్‌బిన్‌లో వేసేసినట్టే అయ్యింది. టైటిల్ ‘ఓజి’ కూడా వాడుకోకుండా పోయింది. ఆ తర్వాత మహేష్ సినిమా టైటిల్‌ని ‘గుంటూరు కారం’గా మార్చేశారు.
ఇక తర్వాత ఆ టైటిల్‌ని పవన్ కళ్యాణ్ సినిమా కోసం వాడేశారు. సుజీత్ డైరెక్షన్‌లో వచ్చిన పవన్ కళ్యాణ్ ‘ఓజి’ అలా బజ్ క్రియేట్ చేసింది. అంటే మొదట ఎన్టీఆర్ కోసం పెట్టిన టైటిల్.. మహేష్ బాబుకి వెళ్లి.. చివరికి పవన్ కళ్యాణ్ సినిమా వద్దే ఫైనల్ అయింది. ఈ టైటిల్ జర్నీపై ఫ్యాన్స్ ఇప్పుడు సోషల్ మీడియాలో ఫన్నీ మీమ్స్ చేస్తున్నారు. “ఎన్టీఆర్ కోసం అనుకున్న టైటిల్.. మహేష్ బాబుకి టచ్ అయి.. పవన్ కళ్యాణ్‌కి సెట్ అవ్వడం నిజంగా టాలీవుడ్ మాసాలే” అని కామెంట్లు చేస్తున్నారు. మొత్తానికి, ‘ఓజి’ టైటిల్ స్టోరీ కూడా ఒక మాస్ సినిమాకి తగ్గట్టే ఉన్నట్టే!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి