అంతేకాదు ఇక ప్రత్యర్థులకు తన మాటలతోనే ఊహించని విధంగా కౌంటర్లు ఇస్తూ ఉంటారు కెసిఆర్. అయితే కెసిఆర్ వాక్చాతుర్యానికి ఆయన రాజకీయ చతురతకు ఎంతో మంది అభిమానులు ఉన్నారు అని చెప్పడంలో అతిశయోక్తి లేదు. కేవలం అధికార టీఆర్ఎస్ పార్టీలో మాత్రమే కాదు ప్రతిపక్ష పార్టీలో కొనసాగుతున్న కొంతమంది నేతలు సైతం కెసిఆర్ కు అభిమానులుగా కొనసాగుతూ ఉంటారు. ఇప్పటికే ఎంతోమంది ప్రత్యర్థి పార్టీలో ఉన్న సభ్యులు సైతం తాము కెసిఆర్ వాక్చాతుర్యానికి అభిమానులమే అంటూ పలు మార్లు చెప్పిన సందర్భాలు కూడా ఉన్నాయి.. ఇప్పుడు బీజేపీ ఎంపీ ధర్మపురి అరవింద్ కూడా ఇదే విషయాన్ని చెప్పుకొచ్చారు.
ఇన్ని రోజుల వరకు టిఆర్ఎస్ పార్టీలో కొనసాగిన ధర్మపురి అరవింద్ ఇక ఆ తర్వాత టిఆర్ఎస్ లో విభేదాల కారణంగా బిజెపి పార్టీలో చేరారు అన్న విషయం తెలిసిందె. బిజెపి పార్టీలో చేరిన తర్వాత నిజాంబాద్ నుండి పార్లమెంటు సభ్యుడిగా ఎన్నికయ్యారు. అయితే ఇటీవల ఒక యూట్యూబ్ ఛానల్ కు ఇంటర్వ్యూ ఇచ్చారు ధర్మపురి అరవింద్. ఈ సందర్భంగా మాట్లాడిన ఆయన అప్పట్లో తాను కూడా కెసిఆర్ అభిమానినే అంటూ చెప్పుకొచ్చారు. అప్పట్లో కూటమిగా ఏర్పడాలి అంటూ కోరిన వారిలో తాను కూడా ఉన్నాను అంటూ తెలిపారు. అయితే ప్రస్తుతం కేంద్రంతో కెసిఆర్ కు ఎలాంటి సంబంధాలు లేవు అంటూ చెప్పుకొచ్చారు ధర్మపురి అరవింద్.
