చిన్న చిన్న విద్యార్ధుల నుంచి పెద్ద వారి వరకు ఏ ఇబ్బందులు లేకుండా నిర్ణయాలు తీసుకుంటున్నారు. వైఎస్ఆర్ జగనన్న కాలనీల నిర్మాణానికి పాలనా అనుమతులు ఇచ్చింది జగన్ సర్కార్. పేదలందరికీ ఇళ్లు పథకంలో భాగంగా వైఎస్ఆర్ జగనన్న కాలనీల నిర్మాణం చేపడతామని ఏపీ సర్కార్ స్పష్టం చేసింది. రాష్ట్ర వ్యాప్తంగా 28.30 లక్షల ఇళ్ల నిర్మాణానికి గృహ నిర్మాణశాఖకు అనుమతులు ఇచ్చింది. మొదటి దశలో 15.10 లక్షలు, రెండో విడతలో 13.2 లక్షల ఇళ్ల నిర్మాణం చేపడుతుంది ఏపీ సర్కార్.
నిర్మాణాలకు రూ.24,776 కోట్లు ఖర్చు చేసేందుకు పాలనా అనుమతులు ఇచ్చింది. ఇళ్ల పట్టాలు, భూమి గలవారు, ఇళ్ల స్థలాల క్రమబద్ధీకరణ లబ్ధిదారులకు ఇళ్ల నిర్మాణం చేపడుతుంది. ఇళ్ల నిర్మాణానికి ఇంటికి 20 మెట్రిక్ టన్నుల ఇసుక ఉచితమని ప్రకటించింది ప్రభుత్వం. ఇళ్ల నిర్మాణ సంస్థను రివర్స్ టెండరింగ్ ద్వారా ఎంపిక చేయాలని ఆదేశాలు ఇచ్చింది. ఇళ్ల నిర్మాణ ఏజెన్సీ ఎంపిక కోసం రాష్ట్రస్థాయి కమిటీల ఏర్పాటు చేయనుంది. వైఎస్ఆర్ కాలనీలకు నీటి సరఫరా కోసం రూ.920 కోట్లు వెచ్చించాలని నిర్ణయం తీసుకుంది. గ్రామీణ నీటి సరఫరా, మున్సిపల్ శాఖల ద్వారా నిధులు వెచ్చించాలని నిర్ణయం తీసుకుంది.