కానీ ఈ మూడేళ్ళుగా చూసుకుంటే కోహ్లీ బ్యాట్ కూడా సరిగా అరగలేదు. ఎందుకంటే అసలు బంతిని బాదితేనే కదా అరుగుతుంది ? విరాట్ కోహ్లీ ఫామ్ గురించి ఫ్యామిలీ, అభిమానులు, స్నేహితులు, టీం సభ్యులు మరియు ఇండియా యాజమాన్యం అంతా కూడా చాలా విచారంలో ఉన్నారు. అయితే దీనిపై చాలా కాలం నుండి ట్రోల్స్ కూడా ఎక్కువగా వస్తున్నాయి. కానీ కోహ్లీ మాత్రం అన్నిటినీ దిగమింగుకుని ఒక్క ఇన్నింగ్స్ తో అందరికీ సరైన సమాధానం ఇవ్వాలని ఎదురుచూస్తున్నాడు. కానీ తాను మాత్రం ఒకటి అనుకుంటే కాలం మరొకటి తలుస్తోంది. ఇక నిన్ననే ముగిసిన ఇంగ్లాండ్ పర్యటనలోనూ సెంచరీ బాకీ ఉండిపోయింది.
అయితే క్రికెట్ లో ఏ క్రికెటర్ కి అయినా కాలం ఒకేలా ఉండదు. ఫామ్ కోల్పోవడం, మళ్ళీ అందుకోవడం ఇలా జరుగుతూ ఉంటాయి. అయితే కోహ్లీ లాంటి ప్రపంచ శ్రేణి ఆటగాడికి ఇలా జరుగుతూ ఉండడం మింగుడు పాడనీ విషయం అని చెప్పాలి. తన ఫామ్ కారణం గా వెస్ట్ ఇండీస్ తో జరగబోయే సిరీస్ కు కూడా విశ్రాంతి పేరుతో వేటు వేసింది సెలక్షన్ కమిటీ. అయితే ఇంకెప్పుడు కోహ్లీ కోలుకుంటాడు ? అసలు కోహ్లీకే ఎందుకు ఇలా జరుగుతోంది అన్నది తమ ఫ్యాన్స్ ఆవేదన.
