ఇక ప్రపంచవ్యాప్తంగా ఈ ఇద్దరు బడా స్టార్స్ కి కోట్లలో అభిమానులు ఉండడంతో పాటు ఎందరో ప్రేక్షకుల సైతం వీరి సినిమాలు విడుదల అవుతున్నాయి అంటే చాలు వాటిని చూసేందుకు ఎంతో ఆసక్తిగా ఎదురు చూస్తుంటారు. ఇక క్రేజ్, పాపులారిటీ, మార్కెట్ పరంగా దాదాపుగా సమాన స్థాయిలో కొనసాగుతున్న ఈ ఇద్దరూ కలిసి ఒక్క సినిమా చేస్తే చూడాలి అనేది వారి వారి అభిమానుల ఆశ మాత్రమే కాదు, అనేకమంది ప్రేక్షకులు కూడా ఆ ప్రత్యేక మూవీ కోసం ఎప్పటినుండో ఎదురు చూస్తున్నారు. నిజానికి వీరిద్దరి కాంబో మూవీని కొన్నేళ్ల క్రితం త్రివిక్రమ్ సెట్ చేసారు అనే వార్తలు వైరల్ అయినప్పటికీ దానిపై ఎటువంటి అధికారిక న్యూస్ బయటకు రాలేదు. అయితే అసలు విషయంలోకి వెళితే, నేడు కొందరు అభిమానులు మహేష్ శ్రీమంతుడు, అలానే పవన్ అజ్ఞాతవాసి సినిమాల్లోని రెండు పిక్స్ ని కలిపి ఎడిట్ చేసి ఒక్కటిగా జత చేసారు. చూడడానికి అచ్చం ఒరిజినల్ పిక్ మాదిరిగా ఉన్న మహేష్, పవన్ ల ఆ ఫ్యాన్ మేడ్ ఫోటో ప్రస్తుతం ఎంతో వైరల్ అవుతుండగా, అది చూసిన అనేకమంది ప్రేక్షకాభిమానులు, వీరిద్దరూ ఆ పిక్ లో ఎంతో అద్భుతంగా ఉన్నారని, త్వరలో ఈ ఇద్దరూ కలిసి వెండితెర పై కనపడే సినిమా రావాలని కోరుకుంటూ తమ సోషల్ మీడియా అకౌంట్స్ ద్వారా కామెంట్స్ చేస్తున్నారు.
