అలాంటిది ఇకపై ఆమె తెలుగు చిత్రాలలో కనిపించరు అన్న ప్రచారం అందరినీ కలవరపెడుతోంది, నిజంగానే సామ్ టాలీవుడ్ కు దూరమైపోతారా అని కొందరు ఆందోళన చెందుతున్నారు. అయితే సమంత సన్నిహితులు , కొందరు ఇండస్ట్రీ ప్రముఖులు అలాంటిదేమీ లేదని సామ్ మునుముందు తెలుగు సినిమాలు ఖచ్చితంగా చేస్తారని, శాకుంతలం సినిమా రిలీజ్ తర్వాత టాలీవుడ్ లో వరుస సినిమాలతో మళ్ళీ బిజీ అవుతారని అంటున్నారు. తనకి నటిగా స్టార్ హీరోయిన్ గా గుర్తింపు, గొప్ప కెరియర్ ఇచ్చిన తెలుగు ఇండస్ట్రీ అంటే సామ్ కు చాలా ఇష్టమని, కాబట్టి తప్పకుండా అమే తెలుగులో నటిస్తారని అంటున్నారు.
అంతే కాకుండా ఈమె చేస్తున్న బాలీవుడ్ చిత్రాలు, మరియు తమిళ చిత్రాలు కొన్ని తెలుగులోనూ డబ్ అవుతాయని అన్న ఆశాభావం వ్యక్తం చేస్తున్నారు. ఈ విధంగా కూడా ఆమె తెలుగు ప్రేక్షకులకు నిత్యం టచ్ లో ఉంటారన్నది వారు చెబుతున్న మాట. కానీ సమంత మాత్రం ఈ విషయంపై ఇప్పటి వరకు స్పందించింది లేదు. అయితే గత కొద్ది రోజులుగా నడుస్తున్న ట్రోల్స్ ప్రకారం ఇకపై సమంత సినిమాలను తెలుగు ప్రజలు ఆదరిస్తారా అన్నది తెలియాల్సి ఉంది.