ఇక ఇటీవల ఈ సినిమా నుండి రిలీజ్ అయిన ప్రీ లూడ్ టీజర్, అలానే మూడు సాంగ్స్ అందరినీ ఎంతో అలరించి సినిమాపై భారీ స్థాయిలో అంచనాలు క్రియేట్ చేసాయి. తొలిసారిగా అల్లు అర్జున్ నటిస్తున్న ఈ భారీ సినిమాపై పలు ఇతర భాషల ఆడియన్స్ లో కూడా విపరీతమైన అంచనాలు ఉండడం విశేషం. ఇక ఈ సినిమాని క్రిస్మస్ పండుగ కానుకగా డిసెంబర్ 17న వరల్డ్ వైడ్ గా ఎంతో భారీ ఎత్తున విడుదల చేస్తున్నట్లు ఇటీవల పుష్ప టీమ్ అధికారికంగా ప్రకటించింది.
అయితే పుష్ప హిందీ రిలీజ్ కి సంబంధించి కొద్దిపాటి సమస్యలు తలెత్తాయని, అవి సర్దుమణగడానికి మరికొంత సమయం పట్టనుండడంతో మూవీని ఇంకొన్నాళ్లపాటు వాయిదా వేయనున్నారు అంటూ రెండు రోజులుగా ఒక వార్త సోషల్ మీడియాలో వైరల్ అవుతుండడంతో దీనిపై స్పందించిన యూనిట్, అవి కేవలం ఒట్టి పుకార్లు మాత్రమే అని, ముందుగా తాము ప్రకటించిన మాదిరిగా పుష్ప పక్కాగా డిసెంబర్ 17నే విడుదల అవుతుందని మరొక్కసారి కన్ఫర్మ్ చేసినట్లు తెలుస్తోంది. మొత్తంగా మరొక నెలలో ప్రేక్షకుల ముందుకు రానున్న పుష్ప సినిమా ఏ స్థాయిలో ఆడియన్స్ ని అలరిస్తుందో చూడాలి.
