మైత్రి మూవీ మేకర్స్ వారు ఎంతో ప్రతిష్టాత్మకంగా తెరకెక్కించిన ఈ సినిమా ఈనెల పదో తేదీన విడుదల కాబోతుండగా తప్పకుండా ఈ చిత్రం మంచి విజయం సాధిస్తుంది అన్న నమ్మకంతో సినిమా యూనిట్ ఉంది. ఈ సినిమా లో ఎన్నో విశేషాలు ఉన్నాయి. నాని లాంటి హీరో తో పాటు మంచి క్రేజ్ ఉన్న మలయాళ హీరోయిన్ నజ్రియా కూడా ఈ సినిమా లో హీరోయిన్ గా నటిస్తుంది. ఇన్ని విశేషాలు ఉన్న ఈ సినిమా కి వేరే టాక్ వచ్చే ఛాన్స్ లేదని నాని అభిమానులు నమ్ముతున్నారు.
ఈ రొమాంటిక్ ఎంటర్టైనర్ ను డిజిటల్ రైట్స్ ను అమెజాన్ ప్రైమ్ వీడియో స్ట్రీమింగ్ యాప్ సొంతం చేసుకుందని వార్తలు వచ్చాయి. అంతేకాదు ఈ సినిమా కేవలం పదిరోజుల వ్యవహిలోనే అమెజాన్ లో స్ట్రీమ్ అవుతుందని కూడా చెప్పారు దాంతో ఈ సినిమా ఓపెనింగ్స్ పై ఇది ఎంతో ప్రభావం పడే అవకాశం ఉందని అంటున్నారు. అయితే తాజాగా మేకర్స్ ఈ సినిమా ఓటీటీ విడుదలపై క్లారిటీ ఇచ్చారు. ఈ సినిమా ను తొందరగా విడుదల చేయడానికి ఏ ఓటీటీ సంస్థతోనూ ఒప్పందం కుదుర్చుకోలేదని వెల్లడించింది. పరిస్థితులను బట్టి ఈ సినిమా ఎప్పుడు ఓటీటీ లోకి వస్తుందో చెప్తాము అన్నారు మేకర్స్.
