టాలీవుడ్ స్టార్ నటి సమంత ప్రధాన పాత్రలో తెరకెక్కిన లేటెస్ట్ మూవీ 'యశోద'. 'శ్రీదేవి మూవీస్' బ్యానర్ పై శివలెంక కృష్ణ ప్రసాద్ నిర్మించిన ఈ సినిమాని హరి, హరీష్ డైరెక్ట్ చేశారు. ప్రపంచవ్యాప్తంగా తెలుగుతో పాటు తమిళ, కన్నడ, మలయాళ, హిందీ భాషల్లో ఈ మూవీ నవంబర్ 11న విడుదల అయ్యింది.సరోగసి  నేపథ్యంలో సాగే కథాంశంతో ఇంకా అలాగే సస్పెన్స్ అండ్ థ్రిల్లింగ్ ఎలిమెంట్స్ తో ఈ మూవీ తెరకెక్కింది. అది మాత్రమే కాకుండా సినిమాలో ఇంకా చాలా సర్ప్రైజ్ లు కూడా ఉన్నాయి.ఫస్ట్ డే మంచి పాజిటివ్ టాక్ ను సంపాదించుకున్న ఈ మూవీ వీకెండ్ ను బాగానే క్యాష్ చేసుకుంది.కానీ సోమవారం నాటి నుండి సినిమా బాగా డల్ అయ్యింది.ఎందుకంటే టాలీవుడ్ లెజెండరి హీరో సూపర్ స్టార్ కృష్ణ గారి మరణం వల్ల ఈ మూవీ కలెక్షన్స్ పై ఎఫెక్ట్ పడింది.ఈ 'యశోద' సినిమాకి వరల్డ్ వైడ్ గా రూ.20.65 కోట్ల థియేట్రికల్ బిజినెస్ జరిగింది.


ఈ మూవీ బ్రేక్ ఈవెన్ అవ్వాలి అంటే ఖచ్చితంగా కూడా రూ.21 కోట్ల వరకు షేర్ ను రాబట్టాల్సి ఉంది. అయితే పలు చోట్ల ఈ సినిమాని రెంటల్ బేస్ పైన ఓన్ రిలీజ్ చేసుకున్నారు నిర్మాతలు.ఇంకొన్ని చోట్ల అయితే అడ్వాన్స్ ల బేసిస్ మీదే విడుదల చేశారు. అందువల్ల ఈ సినిమా బ్రేక్ ఈవెన్ టార్గెట్ రూ.11.5 కోట్లుగా ఉందని ట్రేడ్ పండితుల నుంచి సమాచారం తెలుస్తుంది.అయితే 6 రోజులు పూర్తయ్యేసరికి ఈ మూవీ మొత్తం రూ.10.3 కోట్ల షేర్ ను రాబట్టింది. ఆ రకంగా చూసుకుంటే ఈ సినిమా బ్రేక్ ఈవెన్ కు ఇంకో రూ.1.2 కోట్ల షేర్ ను రాబట్టాల్సి ఉంది. ఓవర్సీస్ లో ఈ మూవీ బ్రేక్ ఈవెన్ సాధించి మంచి లాభాలు అందించింది. ఇప్పటికే హాఫ్ మిలియన్ డాలర్ల వసూళ్లు సాధించింది.అయితే ఇక తెలుగు రాష్ట్రాల్లో వీకెండ్ తర్వాత ఈ మూవీ చాలా డౌన్ అయ్యింది. రెండో వీకెండ్ ను వాడుకుంటే ఖచ్చితంగా బ్రేక్ ఈవెన్ సాధించే అవకాశం ఉంది. మరి చూడాలి ఈ సినిమా ఫైనల్ వసూళ్లు ఎలా ఉంటాయో అనేది.

మరింత సమాచారం తెలుసుకోండి:

yashoda

Purushottham Vinay

17/11/2022 02:39 PM