ఈ సినిమా నుంచి ఇప్పటివరకు విడుదలైన పాటలు టీజర్, పోస్టర్ అన్నీ కూడా ప్రేక్షకులను విపరీతంగా అలరిస్తూ ఉండడం గమనార్హం. దీంతో సినిమాపై భారీ అంచనాలు నెలకొన్నాయి. మరొకవైపు ఆయన పోటీ నటుడు బాలకృష్ణ కూడా వీరసింహారెడ్డి సినిమాతో జనవరి సంక్రాంతి పండుగ బరిలో పోటీగా నిలవబోతున్నాడు. అటు వీర సింహారెడ్డి సినిమా నుంచి విడుదలైన పాటలు, టీజర్ అన్ని కూడా ప్రేక్షకులను బాగా అలరిస్తున్నాయి.ఇలా ఇద్దరు బడా హీరోలు బాక్సాఫీస్ వద్ద పోటీ పడేసరికి ఎవరిది పై చేయి అవుతుందనే ఆత్రుత కూడా మొదలైంది.
ఇప్పుడు చిరంజీవి నటించిన వాల్తేరు వీరయ్య సినిమాలో చిరంజీవి పాత్రకు సంబంధించి ఒక న్యూస్ బయటకు రావడం గమనార్హం. ఈ సినిమాలో చిరంజీవి అండర్ కవర్ కాప్ గా నటించబోతున్నట్లు వార్తలు వినిపిస్తున్నాయి. అయితే ఇందుకు సంబంధించిన అధికారిక ప్రకటన వెలువడ లేదు కానీ ఇప్పుడు ఈ వార్త అయితే బాగా వైరల్ అవుతూ ఉండడం గమనార్హం. మరి ఈ సినిమాలో చిరంజీవి ఏ పాత్రలో నటించబోతున్నాడు అని తెలుసుకోవడానికి అభిమానులు తెగ ఆరాటపడుతున్నారు. మరి ఈ సినిమా విడుదల అయ్యి ఎలాంటి విజయాన్ని అందుకుంటుందో చూడాలి.