తెలుగు సినీ పరిశ్రమ గర్వించదగ్గ దర్శకుల్లో కె.రాఘవేంద్రరావు ఒకరు. హీరోయిన్లనూ అందంగా చూపించాలంటే ఆయన తర్వాతే ఎవరైనా అని ఇండస్ట్రీలో ఎవరిని అడిగినా చెబుతుంటారు. ఎప్పుడూ నవ్వుతూ కనిపించే ఆయన షూటింగ్ లొకేషన్లలోనూ అంతే సరదాగా ఉండేవారట. కానీ ఓ సందర్భంలో హీరోయిన్ రంభపై కోపం తెచుకున్నారట దర్శకేంద్రుడు. జేడీ చక్రవర్తి, రంభ జంటగా బొంబాయి ప్రియుడు సినిమా తెరకెక్కిన సంగతి తెలిసిందే ఈ చిత్రంలోని గుప్పెడు గుండెను తడితే పాట లో భాగంగా . హీరో రంభ నడుముపై బత్తాయిలు వేస్తుంటాడు. పాట షూటింగ్ గ్యాప్లో అందరూ కలిసి కూర్చుని ఉన్న సమయంలో.. డైరెక్టర్ గారు నీమీద పుచ్చకాయలు వేయిస్తారు అని చెప్పడంతో రంభ గట్టిగా నవ్విందట . దీంతో చిరాకు పడ్డ రాఘవేంద్రరావు మీరు నవ్వడం అయ్యాక చెప్పండి నేనొచ్చి షాట్ తీస్తా అని రంభ పై కోపగించుకుని అక్కడి నుంచి వెళ్లిపోయారట.
రాఘవేంద్రరావు అలా అనేసరికి రంభ బోరున ఏడ్చేశారట. ఎవరు ఎంత నచ్చజెప్పినా ఆమె ఏడుపు ఆపకపోవడంతో ఈ రోజు పాటకు ప్యాకప్ చెప్పేసి... మరుసటి రోజు షూటింగ్ కొనసాగించారు. షాట్లో నా తప్పు లేకుండా నన్ను అంటే నాకు కోపం వస్తుంది. నేను చాలా సెన్సిటివ్’ అని ఓ సందర్భంగా రంభ చెప్పుకొచ్చింది.