.jpg)
తాజాగా భారత్ దిగ్గజ ఆటగాడు, బ్యాట్స్‌మన్ రాహుల్ ద్రావిడ్ జీవిత కథను తెరకెక్కించేందుకు సిద్దమయ్యారట. ఇందుకోసం సిద్దం చేసిన కథను ద్రావిడ్‌కు కూడా వినిపించారట. కథ విన్న వెంటనే ద్రావిడ్ అంత సమాచారం ఎక్కడ దొరికిందని ఒకింత ఆశ్చర్యపోయినా, కథను మరల్చిన తీరును మెచ్చుకున్నారట. ఈ సినిమాలో ద్రావిడ్ పాత్ర కోసం తమిళ హీరో సిద్దార్థను ఫిక్స్ చేశారట. ఈ విషయాన్ని కూడా ద్రవిడ్‌కు చెప్పారట. వాటికి కూడా ద్రవిడ్ గ్రీన్ సిగ్నల్ ఇచ్చాడట ఈ మేరకు వార్తలు ప్రస్తుతం నెట్టింట వైరల్ అవుతున్నాయి. ఇప్పటి వరకు ఈ బయోపిక్‌కు సంబంధించి అధికారిక ప్రకటనేమీ రాలేదు. త్వరలో ఏమైనా ప్రకటిస్తారేమో వేచి చూడాలి.ఇదిలా ఉంటే సిద్దార్థ ప్రస్తుతం ‘మహాసముద్రం’ సినిమాలో చేస్తున్నాడు. ఈ సినిమా మల్టీస్టారర్‌గా తెరకెక్కుతోంది. ఇందులో రెండో హీరోగా శర్వానంద్ నటిస్తున్నాడు. ఈ చిత్రం భారీ యాక్షన్ థ్రిల్లర్‌గా తెరకెక్కుతోంది. ఈ సినిమాపై ప్రేక్షకుల్లో భారీ అంచనాలు ఉన్నాయి. ఇందులో ఒకరు నెగిటివ్ రోల్‌లో కనిపించనున్నారట. సిద్దార్థ, శర్వాలలో ఎవరనేది ఇంకా సస్పెన్స్‌గానే ఉంది. దీనిపై క్లారిటీ రావాలంటే ‘మహాసముద్రం’ సినిమా విడుదల వరకు ఆగాల్సిందే.
