దీంతో ఈ ఐటమ్ సాంగ్ మాత్రమే కాదు, నేహాశెట్టి పాత్ర కూడా సినిమాకి స్పెషల్ ఎట్రాక్ష‌న్‌గా నిలుస్తుంద‌ని సినీ వర్గాలు భావిస్తున్నాయి. యంగ్ డైరెక్ట‌ర్ సుజిత్ రూపొందిస్తున్న ఈ చిత్రం ప్యూర్ గ్యాంగ్‌స్టర్ యాక్షన్ డ్రామాగా ప్రేక్షకుల ముందుకు రాబోతోంది. పవన్ కళ్యాణ్ శైలికి తగ్గట్లుగా మాస్ యాక్షన్, స్టైలిష్ లుక్, పవర్‌ఫుల్ డైలాగులు ఈ సినిమాకి హైలైట్ కానున్నాయని టాక్ వినిపిస్తోంది. ప్రస్తుతం సినిమా పోస్ట్ ప్రొడక్షన్ పనులు శరవేగంగా జరుగుతున్నాయి.
ఇప్పటికే పవన్ కళ్యాణ్ తన పాత్రకు సంబంధించిన డబ్బింగ్ వర్క్ స్టార్ట్ చేశారు. హైదరాబాద్‌లోని ఓ స్టూడియోలో పవన్ తన పాత్రకు డబ్బింగ్ చెబుతున్నట్లు సమాచారం. ఈ సినిమాలో పవన్ చెప్పే డైలాగులు ఫ్యాన్స్‌కి గూస్‌బంప్స్ తెప్పించేలా ఉంటాయని మేకర్స్ విశ్వాసం వ్యక్తం చేస్తున్నారు. మరోవైపు బాలీవుడ్ నటుడు ఇమ్రాన్ హష్మి విలన్‌గా, ప్రియాంక మోహన్ హీరోయిన్‌గా నటిస్తున్నారు. ఎస్‌. ఎస్‌. థమన్ సంగీతం అందిస్తున్న ఈ చిత్రాన్ని డివివి ఎంటర్‌టైన్‌మెంట్స్ భారీ బడ్జెట్‌తో నిర్మిస్తోంది. పవన్ కెరీర్‌లోనే వేరే స్థాయిలో నిలిచే సినిమా అవుతుందని అభిమానులు నమ్ముతున్నారు. నేహాశెట్టి ఎంట్రీతో సినిమా మీద హైప్ మరింత పెరిగింది. ఇప్పుడు అందరి చూపు ఈ స్పెషల్ సాంగ్‌పై పడింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి