టాలీవుడ్ ఇండస్ట్రీలో పేరుమోసిన డైరెక్టర్లలలో ముందుండేది మాత్రం దర్శక ధీరుడు రాజమౌళినే. ఈ దర్శక ధీరుడు సినిమాలంటేనే ప్రత్యేకంగా ఉంటాయి. అందుకే ఈ జక్కన్న సినిమాలంటే ప్రేక్షకులు స్పెషల్ ఇంట్రెస్ట్ చూపిస్తుంటారు. ఒక కథకు ఎన్నో హంగులు జోడించి ప్రేక్షకులు మెచ్చే విధంగా తీర్చిదిద్దడంలో రాజమౌళి పూర్తిగా సఫలం అవుతారు. అలాగే భారీ బడ్జెత్ తెరకెక్కించే ప్రతిష్టాత్మకంగా రూపొందించే చిత్రాలతో పాటుగా క్రియేటివిటీగా కూడా ఆలోచించి కొత్తగా సినిమాలను తెరకెక్కించడంలో ఈ డైరెక్టరే ముందుంటారు. అందుకే ఈ డైరెక్టర్ కోసం చాలా మంది హీరోలు క్యూలు కడతారు. ఈ డైరెక్టర్ సినిమాలు వస్తున్నాయంటే చాలు.. ప్రేక్షకులు ఆ సినిమాను ఓ రేంజ్ లో ఊహించుకోవడం మొదలు పెడుతుంటారు. ప్రస్తుతం రాజమౌళి తెరకెక్కిస్తున్న ‘ఆర్ఆర్ఆర్’ సినిమా పట్ల కూడా అభిమానులు భారీ అంచనాలే పెట్టుకున్నారు.
ఈ సినిమా టీజర్ రిలీజ్ అయ్యి కొన్ని రోజులే అయినా కొత్త రికార్డులు క్రియేట్ చేసింది. దాంతో ఈ సినిమాపై ప్రేక్షకులకు ఎక్స్ పెక్టేషన్స్ రోజురోజుకు పెరిగిపోతున్నాయి. ఇకపోతే టాలీవుడ్ హీరో సూపర్  స్టార్ మహేశ్ బాబు క్రేజ్ గురించి ప్రత్యేకించి చెప్పాల్సిన అవసరం లేదేమో. ఈ హీరో సినిమా వస్తుందంటే చాలు ఆయన అభిమానులు, సినీ ప్రేక్షకులు వేయి కళ్లతో ఎదురు చూస్తుంటారు. అలాంటిది రాజమౌళి, ప్రిన్స్ మహేశ్ బాబు కాంబినేషన్ లో సినిమా వస్తుందంటే ఆ సినిమాపై అంచనాలు ఏ రేంజ్ లో ఉంటాయో ప్రత్యేకించి చెప్పాల్సిన అవసరం లేదు. ఈ ఇద్దరి కాంబినేషన్ లో ఓ సినిమా రాబోతోందని వార్తలు వస్తూనే ఉన్నాయి. ఈ విషయాన్ని జక్కన్నే స్వయానా తెలిపాడు. అయితే ప్రస్తుతం రాజమౌళి ‘ఆర్ఆర్ఆర్ ’ సినిమాలో ఫుల్ బిజీగా ఉన్నాడు. అలాగే ప్రిన్స్ మహేశ్ బాబు కూడా ‘సర్కారు వారి పాట’ మూవీ షూటింగ్ ఉన్నాడు.

కాగా ఈ ఇరువురి సినిమాలు పూర్తికాగానే మహేశ్, రాజమౌళి దర్శకత్వంలో సినిమా సెట్స్ పైకి వెళ్లనుందని తెలుస్తోంది. అయితే తాజాగా ఈ సినిమాకు సంబంధించిన ఒక ఇంట్రెస్టింగ్ విషయం సోషల్ మీడియాలో తెగ హల్ చల్ చేస్తోంది. ఈ సినిమా కోసం రాజమౌళి ఫాదర్ విజయేంద్రప్రసాద్ కథను ఇప్పటికే కంప్లీట్ చేశాడని వార్తలు కూడా వస్తున్నాయి. ఈ సినిమా ఛత్రపతి శివాజీ జీవిత చరిత్ర ఆధారంగా ఉండబోతోందని వార్తలు వినిపిస్తున్నాయి. కాగా ఇందులో ప్రిన్స్ మహేశ్ బాబు శివాజీ పాత్రలో కనిపించబోతున్నాడన్న వార్త తాజాగా సోషల్ మీడియాలో తెగ వైరల్ అవుతోంది. ఈ వార్త ఎంతవరకు వాస్తవమో తెలియదు కానీ.. ఈ వార్తను విన్న మహేశ్ అభిమానుల ఆనందానికి అవదుల్లేకుండా పోయాయి.