ఈ సినిమాలో కమల్ హాసన్ డ్యూయల్ రోల్ లో కనిపించారు. అయితే శంకర్ తొలిసారి కమల్ హాసన్ వంటి స్టార్ యాక్టర్ తో పనిచేయడంతో మొదటి నుంచీ ‘భారతీయుడు’పై సర్వత్రా ఆసక్తి నెలకొంది. అయితే ‘భారతీయుడు’ చిత్రానికి ముందు శంకర్ ‘జెంటిల్ మేన్’, ‘ప్రేమికుడు’ చిత్రాలను మాత్రమే రూపొందించారు. ఇక ఈ రెండు సినిమాలు తెలుగులోనూ మంచి విజయాన్ని అందుకున్నాయి. ఈ సినిమాలో సేనాధిపతి ముసలివాడైన తరువాతి గెటప్ చూసి ఎంతోమంది ప్రఖ్యాత తాత్వికుడు జిడ్డు కృష్ణమూర్తి లాగా భావించారు. అయితే కమల్ హాసన్ గెటప్స్, అభినయం ఈ చిత్రానికి ప్రధాన ఆకర్షణ కాగా, శంకర్ దర్శకత్వం రెండవ స్థానం ఆక్రమిస్తుంది.
అయితే అంతకు ముందు తమిళ, తెలుగు భాషల్లో కలిపి రజనీకాంత్ ‘బాషా’ పలు రికార్డులునెలకొల్పారు. ఇక ఆ రికార్డులను ‘భారతీయుడు’ బ్రేక్ చేసింది. ఇక మళ్ళీ రజనీకాంత్ ‘చంద్రముఖి’ దాకా ఈ సినిమా రికార్డులే పదిలంగా ఉంచాయి. ఈ సినిమాకి మూడు నేషనల్ అవార్డులు అందుకుంది. అయితే ఈ చిత్రానికి ఉత్తమ నటునిగా కమల్ హాసన్, ఉత్తమ కళాదర్శకునిగా తోట తరణి, విజువల్స్ ఎఫెక్ట్స్ లో ఎస్.టి.వెంకీ జాతీయ అవార్డులు సొంతం చేసుకున్నారు.
