చరణ్ సినిమా క్వాలిటీ విషయంలో ఎక్కడ కాంప్రమైజ్ అవట్లేదట శంకర్. అందుకే చిన్న షాట్ కోసం కూడా కోట్ల కొద్దీ బడ్జెట్ కేటాయిస్తున్నాడు. లేటెస్ట్ గా ఈ సినిమాలో చరణ్ ఫస్ట్ లుక్ పోస్టర్ కోసం ఏకంగా 3 కోట్ల దాకా ఖర్చు చేస్తున్నారట. జస్ట్ ఒక్క షాట్ కోసం అంత బడ్జెట్ అంటే మాములు విషయం కాదు. శంకర్ సినిమా అంటే అనుకున్న బడ్జెట్ కన్నా ఇంకాస్త ఎక్కువ చేతిలో పట్టుకోవాల్సిందే.
దిల్ రాజు ఈ సినిమాను 200 కోట్లతో పూర్తి చేయాలని అనుకున్నారట. చూస్తుంటే ఖచ్చితంగా మరో 50 కోట్లు పట్టేలా ఉంది. శంకర్, చరణ్ కాంబోలో వస్తున్న ఈ సినిమాలో కియరా అద్వాని హీరోయిన్ గా నటిస్తుంది. ఈ సినిమాకు థమన్ మ్యూజిక్ అందిస్తున్నారు. సినిమాలో శ్రీకాంత్, సునీల్ వంటి స్టార్స్ కూడా నటిస్తున్నారు. ఆర్.ఆర్.ఆర్ హిట్ తో పాన్ ఇండియా వైడ్ సూపర్ క్రేజ్ తెచ్చుకున్న చరణ్ శంకర్ సినిమాతో సత్తా చాటుతాడని చెప్పొచ్చు. ఈ సినిమాలో చరణ్ ప్రభుత్వ అధికారిగా కనిపిస్తారట. సినిమా టైటిల్ కూడా అధికారి అని పెడతారని టాక్. ఆర్.ఆర్.అర్ తర్వాత చరణ్ కి పర్ఫెక్ట్ సినిమా పడ్డదని చెప్పొచ్చు. కెరియర్ లో కొద్దిగా వెనకపడ్డ శంకర్ ఈ సినిమాతో తన సత్తా చాటాలని చూస్తున్నారు.