తాడిపత్రి ఎమ్మెల్యే కేతిరెడ్డి పెద్దారెడ్డి స్వయంగా కేసు వేశారని ఆయన పేర్కొన్నారు. రాష్ట్రంలో లా అండ్ ఆర్డర్ లేదని అన్నారు. ఏమి చేయకపోయినా కేసులు పెట్టి లోపల వేస్తున్నారని ఆయన విమర్శించారు. కేంద్ర ప్రభుత్వ చట్టాలు అందరికీ ఒకేలా ఉంటాయని ఆయన అన్నారు. 28 శాతం జీ ఎస్ టి పే చేసి వాహనాలు కొనుగోలు చేసాం అని ఆయన పేర్కొన్నారు. స్పెషల్ స్టేటస్ వున్న రాష్ట్రల్లో పన్ను మినహాయింపు వుంటుంది అని చెప్పారు. అందుకే స్పెషల్ స్టేటస్ ఉన్న రాష్ట్రాల్లో వాహనాలు కొనుగోలు చేస్తున్నాం అని ఆయన తెలిపారు.
నాగాలాండ్, మేఘాలయ రాష్ట్రాల్లో అందుకే కొనుగోలు చేస్తున్నాం అని ఆయన చెప్పుకొచ్చారు. తెల్లవారుజమున ఇంట్లో ఉన్న వారిని అరెస్టు చేస్తున్నారని ఆయన విమర్శించారు. మీకో లా.. మాకో లా ఉంటుందా...? అని ప్రశ్నించారు. ప్రెస్ కాన్ఫెరెన్సు పెట్టినందుకు అరెస్టు చేస్తారేమో అని ఆయన అసహనం వ్యక్తం చేసారు. అశోక్ లేయలాండ్ వాళ్ళను ఎందుకు విచారించడం లేదు నా పేరుతో వాహనాలు లేవని... నాపై ఎలా కేసులు పెడతారని ప్రశ్నించారు. ప్రొఫెషనల్ ట్రాన్స్పోర్టర్స్... మాపై అనవసరంగా కేసులు పెడుతున్నారన్నారు. ఇక్కడ బతకనీయకపోతే మరోచోటకు వెళ్లాడమే అని ఆయన అన్నారు. మీది జరుగుతుంది కాబట్టే ఇక్కడ ఇలా చేస్తున్నారు... కర్ణాటక లో అలా జరగదు.. అక్కడ ప్రొసీజర్ ఫాలో అవుతారని ఆయన పేర్కొన్నారు.