ప్రస్తుతం మన తెలుగు చిత్ర పరిశ్రమలో వెంకటేష్, చిరంజీవి, పవన్ కళ్యాణ్ వంటి వారు రీమేక్ సినిమాలనే చేసేందుకు ఆసక్తి చూపిస్తున్నారు. ఇక ఒరిజినల్ కథల కంటే రీమేక్ చిత్రాలే ఈ మధ్య ఎక్కువగా రిలీజ్ అవుతున్నాయి. ఇందులో మంచి సినిమా విజయాన్ని కూడా సొంతం చేసుకుంటున్నాయి. అయితే రీమేక్ చిత్రాల హవా ఎప్పుడు మొదలైంది..? అసలు తెలుగులో రీమేక్ అయిన తొలి చిత్రం ఏది..? వంటి విషయాలు చాలా మందికి తెలిసి ఉండదు. ఆ విషయాన్ని ఒక్కసారి చూద్దామా.
వాస్తవానికైతే రీమేక్ సినిమా హవా ఈనాటిది కాదు.. 1950వ సంవత్సరంలో స్టార్ అయ్యింది. అయితే తెలుగులో రీమేక్ అయిన తొలి మూవీ ‘ఆహుతి’. ఈ సిినిమా హిందీలో విజయవంతమైన ‘నీరా ఔర్ నందా’ సినిమాకు రీమేక్. ఈ సినిమాను ఆర్.ఎస్. జున్నాకర్ దర్శకత్వం వహించగా.. ఈ చిత్రంలో జయసింహ, శశి, నిశి బరన్, జి. షావుకార్ కీలక పాత్రలో నటించారు. ఇక ఈ చిత్రం షూటింగ్ అంతా ఔట్ డోర్ లోనే జరగడం విశేషం అనే చెప్పాలి మరి.
అయితే ఈ సినిమాను నవీన ఫిల్మ్స్ బ్యానర్పై నిర్మించగా.. ఈ మూవీకి సాలూరి రాజేశ్వరరావు సంగీతం సమకూర్చారు. అంతేకాదు.. మరో ఆసక్తికరమైన విషయం ఏంటంటే.. ఈ సినిమాకు మాటలు పాటలు రాయడం ద్వారానే శ్రీ శ్రీ వెండితెరకు పరిచయమయ్యారంట. ఇక కుల వివక్షతకు బలైన ప్రేమికులను ఆదర్శంగా తీసుకొని రూపుదిద్దుకున్న ఈ చిత్రం తెలుగు ప్రేక్షకులను ఎంతగానో అలరించాయి. కాగా.. అప్పటి నుంచి ఇతర దర్శకులు, నిర్మాతలు కూడా రిమేక్ సినిమాలు చేయడం మొదలు పెట్టారు.