కరోనా లాక్ డౌన్ తర్వాత సినిమా షూటింగ్ స్టార్ట్ చేయగా టక్ జగదీష్ టీం లో ఒకరికి కరోనా రావడంతో షూటింగ్ కు బ్రేకులు పడ్డాయని అన్నారు. అంతేకాదు నానితో పాటుగా టక్ జగదీష్ చిత్రయూనిట్ మొత్తం హోం క్వారెంటైన్ లో ఉంటున్నారని అన్నారు. అయితే ఈ వార్తలపై స్పందించిన శివ నిర్వాణ తన ట్విట్టర్ లో అన్ స్టాబబుల్ అంటూ మెసేజ్ పెట్టాడు. అంతేకాదు లొకేషన్ లో అంతా శానిటైజ్ చేసి షూట్ చేస్తున్న వీడియో షేర్ చేశాడు.
ఈ వీడియో చూస్తే టక్ జగదీష్ షూటింగ్ కు బ్రేకులు పడినట్టు అనిపించడం లేదు. నిన్ను కోరి, మజిలీలతో డిఫరెంట్ కథలతో సినిమాలు చేస్తున్న ఈ డైరక్టర్ తన మార్క్ చూపిస్తున్నాడు. ఈ సినిమాలో నాని కొత్తగా కనిపిస్తాడని తెలుస్తుంది. తప్పకుండా నానితో చేసే ఈ సినిమాను కూడా హిట్ కొడతాడని అంటున్నారు.