ఓమిక్రాన్ వైరస్ వేరియంట్.. గతంలో వచ్చిన కొవిడ్ వేరియంట్ల కంటే కూడా వేగంగా వ్యాపిస్తుందని ఇప్పటికే ప్రపంచ ఆరోగ్య సంస్థ హెచ్చరికలు కూడా చేసింది. ఈ సమయంలో బెంగళూరులో రెండు ఓమిక్రాన్ కేసులు నమోదు కావడం... మరో ఐదుగురు ప్రాథమిక కాంటాక్ట్‌లకు కూడా వైరస్ పాజిటివ్ రావడంతో బెంగళూరు నగరం ఒక్కసారిగా ఉలిక్కి పడింది. ఓమిక్రాన్ వైరస్ రోగులను ఒంటరిగా ఉంచినట్లు ఇప్పటికే కర్ణాటక వైద్యాధికారులు వెల్లడించారు. ఇక వారి శాంపిల్స్‌ను ఇప్పటికే జన్యు పరీక్షల కోసం పంపినట్లు కూడా అధికారులు తెలిపారు. ఓమిక్రాన్ సోకిన వ్యక్తి వయసు 46 ఏళ్లు అని, అతను ఇప్పటికే రెండు డోసుల టీకాలు కూడా తీసుకున్నట్లు వైద్యులు తెలిపారు. జ్వరం, ఒళ్లు నొప్పులతో ఆసుపత్రిలో చేరారని... ఆ మరుసటి రోజే వైరస్ పాజిటివ్ అని తేలినట్లు వెల్లడించారు. ఇప్పటి వరకు అతనికి 13 డైరెక్ట్ కాంటాక్ట్‌లు, 250 కంటే ఎక్కువ సెంకడ్ కాంటాక్ట్‌లు ఉన్నట్లు అధికారులు తెలిపారు.
