స్మిత్ ఒక చీటర్ అంటూ సోషల్ మీడియా వేదికగా అభిమానులు ఓ రేంజ్లో విమర్శలు గుప్పించారు. తర్వాత స్మిత్ గార్డ్ మార్క్ చెరపలేదు అంటూ వివరణ ఇచ్చుకుని తనను తాను సమర్థించుకున్నాడు. అలాగే స్మిత్ చేసిన పనిని ఆసీస్ కెప్టెన్ టిమ్ పైన్, కోచ్ లాంగర్ కూడా తోసిపుచ్చారు. దాంతో అభిమానులు కూడా ట్విట్టర్ వేదికగా స్మిత్ కు సారీ చెప్తూ "సారీ స్మిత్" అనే హ్యాష్ ట్యాగ్ తో ట్రెండ్ చేశారు. ఇదిలా ఉండగా తాజాగా బ్రిస్బేన్ టెస్ట్లో టీమిండియా ఓపెనర్ రోహిత్ శర్మ, స్మిత్ను అనుకరించాడు. ఆసీసీ బ్యాటింగ్ చేస్తున్న సమయంలో ఓవర్ పూర్తి అయిన తర్వాత క్రీజ్ లో ఉన్న స్మిత్ లబుషేన్ వద్దకు వెళ్లి చర్చిస్తున్న సమయంలో హిట్ మ్యాన్ రోహిత్ శర్మ క్రీజ్ దగ్గరకు వచ్చి స్మిత్ వైపు చూస్తూ షాడో బ్యాటింగ్ చేస్తూ ముందుకి కదిలాడు.
అది చూసిన స్టీవ్ స్మిత్ తలదించుకుని చూసి చూడనట్టుగా ఉండిపోయాడు. ప్రస్తుతం ఈ వీడియో సోషల్ మీడియాలో విపరీతంగా వైరల్ అవుతుంది. ఈ వీడియో చూసిన నెటిజన్స్ రోహిత్ కావాలనే చేశాడంటూ కామెంట్స్ చేస్తున్నారు. స్టీవ్ స్మిత్ చేసిన పనికి రోహిత్ ఇలా టీజ్ చేశాడంటూ సోషల్ మీడియా వేదికగా నెటిజెన్స్ ఈ వీడియోను తెగ ట్రెండ్ చేస్తున్నారు.