ఇటీవల థాంక్యూ సినిమాతో ప్రేక్షకులను అలరించిన నాగచైతన్య ఆ తర్వాత విక్రమ్ ప్రభు దర్శకత్వంలో ఓ చిత్రం చేస్తున్నాడు. తమిళనాడులో వెరైటీ సినిమాలు చేయడానికి పునాదులు వేసిన విక్రమ్ ప్రభు తొలిసారి తెలుగులో ఓ సినిమా చేస్తున్నడం విశేషం. ఆ విధంగా మానాడు సినిమాతో భారీ విజయాన్ని నమోదు చేసుకున్న ఈ దర్శకుడు ఆ వెంటనే తెలుగులో నాగచైతన్యతో సినిమా చేయడం విశేషం. కృతి శెట్టి ఈ చిత్రంలో హీరోయిన్ గా నటిస్తూ ఉండగా ఇప్పటికే ఈ సినిమా యొక్క షూటింగ్ మొదలయ్యి శెరవేగంగా షూటింగ్ జరుపుకుంటుంది.
ఇకపోతే నాగచైతన్య పరశురామ్ దర్శకత్వం లో కూడా చిత్రం చేయడానికి సిద్ధమయ్యాడు. ఇటీవలే ఆయన ఓ కథను వినిపించగా దానికి ఫుల్ ఫిదా అయిపోయిన నాగచైతన్య త్వరలోనే ఆ చిత్రాన్ని మొదలు పెట్టడానికి సిద్ధమవుతున్నాడు. ఈ నేపథ్యంలోనే దీనికి సంబంధించిన నటీనటులను ఎంపిక చేసే క్రమంలో హీరోయిన్ గా రష్మిక మందనను ఎంపిక చేయాలని చిత్ర బృందం భావిస్తుందట. గీతా ఆర్ట్స్ సంస్థ ఈ చిత్రాన్ని ఎంతో ప్రతిష్టాత్మకంగా నిర్మిస్తూ ఉండడం విశేషం. మరి చాలా రోజుల తర్వాత మరొక తెలుగు సినిమాలో కనిపించబోతున్న రష్మిక మందన ఈ చిత్రం తర్వాత కూడా మరిన్ని సినిమాలలో కనిపించి ప్రేక్షకులను ఆకట్టుకుంటుందా అనేది చూడాలి.
