ప్రస్తుతం రంగ్ దే షూటింగ్ లో బిజీగా ఉన్న నితిన్.... ఒకేసారి స్వామి కార్యం స్వకార్యం అన్నట్లుగా ఎంజాయ్ చేస్తున్నారు. ప్రొఫెషనల్ లైఫ్ ని అలాగే పర్సనల్ లైఫ్ ని రెండింటిని బ్యాలెన్స్ చేయగలనని ప్రూవ్ చేస్తున్నాడు ఈ క్యూట్ హీరో. అయితే ఈ విషయం ఎవరు ఇంత వరకు లీక్ చేయలేదు. ప్రస్తుతం రంగ్ దే చిత్ర బృందం షూటింగ్ కోసం దుబాయ్ లో ఉన్న విషయం తెలిసిందే. అయితే దుబాయ్ కి తనతో పాటు భార్యామణి షాలిని ని కూడా తీసుకెళ్లారట నితిన్. అలా షూటింగ్లో పేకప్ చెప్పగానే.... ఇలా తన భార్య మీద ఇష్క్ తో దుబాయ్ లో షికార్లు కొట్టేస్తున్నారట నితిన్.
కొత్త జంటలతో ఇదేగా తంటా! అంటూ చిత్రబృందం నితిన్ ని సరదాగా ఏడిపించేస్తున్నారట. దుబాయ్ అందాల్ని ఆస్వాదిస్తూ.. నితిన్ - షాలిని జంట అదిరిపోయే ఫోటోల్ని లీక్ చేస్తుండడంతో అసలు సంగతి కాస్తా తెలిసింది మరి. ఎలాగైతేనేం అటు ప్రొఫెషన్ ని ఇటు తన పర్సనల్ లైఫ్ ని ఈ రెండింటిని బ్యాలెన్స్ చేస్తూ ఎంజాయ్ చేస్తున్నాడు హీరో నితిన్.