ఇక ఈ పోటీ ప్రపంచంలో ప్రతి ఒక్కరూ కూడా ఆగకుండా పరిగెత్తవలసి ఉంటుంది. చాలా మంది కూడా చదువుతో సంబంధం లేకుండా ఏ జాబ్ దొరికితే ఆ జాబ్ చేసుకుంటూ తమ జీవిత బండిని నడుపుతున్నారు. అయితే కొంతమంది ప్రపంచానికి భిన్నంగా ఏదో ఒక కెరీర్‌ను కొనసాగించాలని కోరుకుంటారు. అలాంటి విద్యార్థులు గ్రాడ్యుయేషన్ తర్వాత వేరే కెరీర్‌ను ఎంచుకోవడానికి ఎల్లప్పుడూ ప్రయత్నిస్తారు.చాలా మంది విద్యార్థులు కూడా లా చేయాలనుకుంటున్నారు. కానీ వారు కోర్టుల చుట్టూ తిరిగే లాయర్లు కావాలని కోరుకోవడం లేదు. విభిన్నంగా ప్రయత్నం చేయాలనే ఆలోచన వారిలో పెరిగిపోతుంది. కాబట్టి మీరు కూడా లా చదువుతూ.. ఈ రంగంలో ఏదైనా విభిన్నంగా చేయాలనుకుంటే మీరు ఫ్యాషన్ లా ప్రయత్నించవచ్చు. ఫ్యాషన్ లా ప్రకాశవంతమైన కెరీర్ స్కోప్‌ను మాత్రమే కాకుండా మంచి సంపాదన అవకాశాన్ని కూడా అందిస్తుంది. ఫ్యాషన్ లా అంటే ఏమిటి ..? దానిలో ఫ్యూచర్ ను ఎలా బ్రైట్ గా మార్చుకోవాలో తెలుసుకుందాం.మీరు ఫ్యాషన్‌లో ఆసక్తి కలిగి ఉంటే.. ఇప్పుడు బ్రాండ్‌లుగా మారిన ఫ్యాషన్ అండ్ లగ్జరీ రంగంలోని అనేక పెద్ద కంపెనీలు తమ ట్రేడ్‌మార్క్‌లను రక్షించుకోవడానికి న్యాయవాదులను నియమించుకుంటాయని మీకు ఇప్పటికే తెలుసు.


పెద్ద కంపెనీలు మేధో సంపత్తి హక్కులు, కాపీ ఉత్పత్తులు వంటి చట్టపరమైన పోరాటాల కోసం న్యాయవాదులను నియమించుకుంటాయి.అంతేకాకుండా.. పెద్ద ఫ్యాషన్ డిజైనర్లు, ఫోటోగ్రాఫర్‌లు ఇంకా చాలా మంది పెద్ద తారలు తమ హక్కుల గురించి తెలుసుకునేందుకు అండ్ రక్షించుకోవడానికి న్యాయవాదులను నియమించుకుంటారు. ఇలా.. ఫ్యాషన్ లాలో నైపుణ్యం సాధించడం ద్వారా మెరుగైన కెరీర్ చేయవచ్చు.ఫ్యాషన్ లాలో కెరీర్ ప్లాన్ చేసుకునే అభ్యర్థులకు లా తప్ప మరే డిగ్రీ అవసరం లేదు. ఫ్యాషన్ లాయర్ కావడానికి.. మీరు రెగ్యులర్ లా డిగ్రీని కలిగి ఉండాలి. అయితే, కాలక్రమేణా ఫ్యాషన్ లా కోసం పెరుగుతున్న డిమాండ్ దృష్ట్యా, చాలా ప్రైవేట్ సంస్థలు దాని కోసం కోర్సులను నడుపుతున్నాయి.కొన్ని ప్రైవేట్ ఇన్‌స్టిట్యూట్‌లు ఫ్యాషన్ లాలో డిగ్రీ ఇంకా డిప్లొమా కోర్సులను కూడా అందిస్తున్నాయి.ఇండియాలో పెరుగుతున్న టెక్స్ టైల్ ఇండస్ట్రీ కారణంగా.. ఇటువంటి న్యాయవాదుల అవసరం వేగంగా పెరుగుతోంది. చాలా కంపెనీలు ఫ్యాషన్ చట్టంలో నైపుణ్యం కలిగిన వారిని నియమించుకుంటాయి. దీనితో పాటు, వారు ప్రభుత్వ న్యాయవాదులుగా కూడా పని చేయవచ్చు. ఫ్యాషన్ లాలో స్పెషలైజేషన్ తర్వాత మీరు నెలకు 2 నుండి 3 లక్షల రూపాయలు సంపాదించవచ్చు.

మరింత సమాచారం తెలుసుకోండి:

FASHION LAW

Purushottham Vinay

07/09/2022 08:30 PM