దక్షిణాది అగ్ర కథానాయకుల లో ఒకరైన సమంత ప్రస్తుతం వరుస ప్రాజెక్టులను సెట్ చేసుకొని మునుపటిలా బిజీ అవడానికి గట్టి ప్రయత్నాలు చేస్తుంది. ఆమె హీరోయిన్ గా 2 సంవత్సరాల క్రితం జాను అనే సినిమాతో ప్రేక్షకులను పలకరించగా అప్పటి నుంచి పూర్తిస్థాయి తెలుగు సినిమా ఇప్పటివరకు చేయలేదు అంటే ఆమె ఏ స్థాయిలో వెనుకబడి ఉందో అర్థం చేసుకోవచ్చు. ఇటీవల పుష్ప సినిమాలో స్పెషల్ సాంగ్ చేసి అందరినీ ఎంతగానో ఉర్రూతలూగించిన ఈమె బాలీవుడ్ వెబ్ సిరీస్ లో కూడా నటించి పాపులారిటీ పరంగా భారీగా తన స్థాయి పెంచుకుంది.
ఈ రెండిటి పరంగా కూడా ఆమెకు నేషనల్ వైడ్ గా పాపులారిటీ వచ్చింది. ఈ క్రేజ్ తో ఆమె పాన్ ఇండియా సినిమాల్లో నటించడానికి మేకర్స్ అవకాశాలు ఇస్తున్నారు. గుణశేఖర్ దర్శకత్వంలో శాకుంతలం అనే పౌరాణిక సినిమాలో చేసిన సమంత త్వరలోనే ఈ చిత్రాన్ని విడుదల చేయబోతుంది. పోస్ట్ ప్రొడక్షన్ పనులు జరుపుకుంటున్న ఈ చిత్రం కంటే ముందే ఆమె డబ్బింగ్ సినిమా ద్వారా తెలుగు ఆడియన్స్ ను పలకరించపోతుంది. విజయ్ సేతుపతి మరియు నయనతారతో కలిసి నటించిన ఓ తమిళ సినిమాను తెలుగులో విడుదల చేస్తున్నారు.
విగ్నేష్ శివన్ దర్శకత్వం వహించిన ఈ సినిమా తెలుగులో సమంత క్రేజ్ ఆధారంగానే విడుదల చేస్తున్నారు. ఏప్రిల్ 28న ఈ చిత్రాన్ని విడుదల చేయడానికి సన్నాహాలు చేస్తుండగా ఈ సినిమాకు ఇక్కడ క్రేజ్ లేకపోవడం సమంత అభిమానులను నిరాశ పరుస్తుంది. తెలుగు ట్రైలర్ కు ఆశించిన స్థాయిలో ఆదరణ రాలేదు అని అందరికీ తెలిసిన విషయమే. ఇలాంటి ఒక సినిమా ఉందని కూడా చాలామంది తెలియలేదు. ఈ నేపథ్యంలో సమంత ఏ విధంగా ఈ సినిమాను తెలుగులో ప్రమోట్ చేస్తుందో చూడాలి. ప్రస్తుతం యశోద అనే పాన్ ఇండియా సినిమా షూటింగ్ లో పాల్గొంటున్న సమంత త్వరలోనే విజయ్ దేవరకొండ శివ నిర్వాణ దర్శకత్వంలో తెరకెక్కే సినిమాలో హీరోయిన్ గా నటిస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి