సరిలేరు నీకెవ్వరు తరువాత మహేష్ మరో సినిమాను ప్రకటించలేదు. కరోనా కారణంగా ఇంటికే పరిమితం అయిన మహేష్ తాజాగా చేస్తున్న సినిమా సర్కారు వారి పాట. ప్రస్తుతం మహేష్ ఈ సినిమా షూటింగ్లో బిజీగా ఉన్నాడు. అయితే ఈ సినిమాను ఈ ఏడాదిలోనే ప్రేక్షకుల ముందుకు తీసుకురావాలని చిత్ర యూనిట్ ప్రయత్నించింది. కానీ సినిమాను వచ్చే ఏడాది సంక్రాంతి పోరులో దించాలని నిశ్చయించుకుంది. ఈ సినిమా కోసం అభిమానులు ఎంతో ఆత్రుతగా ఎదురుచూస్తున్నారు. అభిమానులు ఈ సినిమాపై ప్రారంభం నుంచి భారీ అంచనాలు పెట్టుకున్నారు.
ఇక ఇటీవల విడుదలైన పోస్టర్లు సినిమాపై ఉన్న అంచనాలను మరింత అధికం చేశాయి. ఈ సినిమాకు పరశురామ్ దర్శకత్వం వహిస్తున్నారు. ఇందులో మహేష్ సరసన కీర్తి సురేష్ లీడ్ రోల్లో నటిస్తున్నారు. ఈ సినిమా బ్యాంక్ కుంభకోణం నేపథ్యంలో తెరకెక్కుతున్న విషయం తెలిసిందే. అయితే తాజాగా ఈ సినిమా గురించి సరికొత్త రూమర్ స్ట్రాంగ్ బజ్ క్రియేట్ చేస్తోంది. ఈ నెల చివరిలో మహేష్ తండ్రి సూపర్ స్టార్ కృష్ణ గారి పుట్టిన రోజు సందర్భంగా ఈ సినిమా నుంచి ఓ అప్డేట్ రానుంది. ఈ మేరకు అధికారిక ప్రకటన కూడా వచ్చింది.
అయితే అప్పుడు వచ్చే అప్డేట్ ఏమై ఉంటుందని అభిమానులు ఇప్పటినుంచే ఊహాగానాలు మొదలు పెట్టారు. గతేడాది ఇదే సమయానికి ఓ ప్రీలుక్ పోస్టర్ను విడుదల చేశారు. కానీ ఈ ఏడాది మాత్రం అభిమానులకు మహేష్ భారీ ట్రీట్ ప్లాన్ చేస్తున్నాడని, మే 31 ఈ సినిమా టీజర్, లేదా ఫస్ట్ గ్లింప్స్ వస్తుందని సినీ వర్గాల్లో గుసగుసలు వినిపిస్తున్నాయి. ఇందులో నిజమెంతనేది తెలియాలంటే అప్పటి వరకు వేచి చూడాల్సిందే.