ఇక ఈ వారంలో రిలీజ్ అయిన మాస్ట్రో చిత్ర యూనిట్ సైతం తమ ప్రమోషన్స్కు గాను బిగ్ బాస్ హౌస్లోకి ప్రవేశించింది. హీరో నితిన్కు జంటగా హీరోయిన్ నభా నటేష్ మాస్ట్రో సినిమాలో నటించింది. ఇందులో తమన్నా కూడా ఒక కీ రోల్లో నటించింది. ఈ మూవీ థియేటర్లలో రిలీజ్ అవుతుందని అంతా అనుకున్నా ఆఖరుకి డిస్నీ ప్లస్ హాట్ స్టార్లోనే డైరెక్ట్గా రిలీజ్ చేసేశారు. ఈ సందర్భంగా రామ్చరణ్ బ్రాండ్ అంబాసిడర్గా నియమించిన సంగతిని చెబుతూ.. మాస్ట్రో మూవీ ప్రమోషన్స్ చేసుకోవడానికి బిగ్ బాస్ స్టేజిని సెలెక్ట్ చేసుకుంది డిస్నీ ప్లస్ హాట్ స్టార్ సంస్థ మేనేజ్మెంట్. కాగా ఇప్పటికే ఈ ఎపిసోడ్కు సంబంధించి షూటింగ్ పూర్తి అయినట్లు తెలుస్తోంది. ఇందుకు సంబంధించి కొన్ని ఫోటోలను కూడా సోషల్ మీడియాలో రిలీజ్ చేశారు.
వాస్తవానికి ఇప్పుడన్ని ఓటీటీ సంస్థలు తెలుగు సినిమాలపై స్పెషల్ ఫోకస్ చేశాయి. భారత్ విషయానికొస్తే హిందీ అనంతరం భారీ మార్కెట్ అయిన తెలుగుపై ఓటీటీ సంస్థలు అన్నీ దృష్టి కేంద్రీకరించాయి. డిస్నీ ప్లస్ హాట్ స్టార్ సైతం తెలుగుపై స్పెషల్ ఫోకస్ చేసింది. దీంతో పాటు మెగా పవర్ స్టార్ రామ్ చరణ్ను డిస్నీ హాట్ స్టార్ బ్రాండ్ అంబాసిడర్గానూ నియమించింది. దీన్ని ఇవాళ్టి బిగ్ బాస్ షోలో ప్రమోట్ చేయనున్నారు.