గాలికైనా రాలిపడుతాయేమో అని ఎదురుచూస్తూనే ఉన్నాడు. గంటలు మారుతున్నాయి మరింత నీరసించిపోతున్నాడు అయినా ఎంతసేపు పండు దానికదే తన ముందు పడాలి అనుకుంటున్నాడు. కానీ పండును ఎలా కింద పడేలా చేయాలో ఆలోచించడంలేదు. ఇంతలో ఒక పండు ముసలాయన వచ్చి ఆ చెట్టు దగ్గర నిలుచున్నాడు. ఏంటి తాత పండు కోసం వచ్చావా...అని అడిగితే అవును బాబు అన్నాడు. హ హ ఉదయం నుండి ఇక్కడే ఉన్నా నాకే ఒకటి కూడా దొరకలేదు. ఇప్పుడే వచ్చావ్ నువు రాగానే ముసలాయన వచ్చాడు అని ఆ చెట్టు తన పండు తెంపి నీకు ఇస్తుందా ఏమిటి అని బిగ్గరగా నవ్వాడు.
ఇంతలో ఆ ముసలాయన ఒక రాయిని చేతిలోకి తీసుకోగా ఆ యువకుడు తను నవ్వినందుకు కొట్టడానికి తీసుకున్నాడేమో అనుకుని భయంతో వెనక్కు జరుగుతున్నాడు. కానీ ఆయన రాయితో పండ్లను కొట్టి కొన్ని ఆయన తీసుకుని, మిగిలినవి ఆ యువకుడికి ఇస్తూ ఒక మాట అన్నాడు. అవకాశం కోసం ఎదురు చూస్తే మన కోరుకున్నది ఎన్నటికీ పొందలేము. ఆలోచిస్తే అవకాశాన్ని మనమే కల్పించుకుని అనుకున్నది సాధించవచ్చు. ఇది జీవిత సత్యం తెలుసుకొని నడుచుకో అని వెళ్ళిపోయాడు.