టీలో ఉండే కెఫిన్ మరియు కొన్ని ఆమ్ల గుణాలు (ఆసిడిక్ కాంపౌండ్స్) కడుపులో ఆమ్ల ఉత్పత్తిని పెంచుతాయి. దీనివల్ల గుండెల్లో మంట (హార్ట్‌బర్న్), ఎసిడిటీ సమస్యలు పెరుగుతాయి. ముఖ్యంగా ఖాళీ కడుపుతో టీ తాగడం మరింత హానికరం. టీలో ఉండే టానిన్లు (Tannins) కొందరిలో జీర్ణవ్యవస్థను చికాకు పెట్టి ఉబ్బరం, గ్యాస్ లేదా కడుపు నొప్పి వంటి సమస్యలకు దారితీయవచ్చు.
టీలో ఉండే థియోఫిలిన్ (Theophylline) అనే పదార్థం డీహైడ్రేషన్‌కు కారణమై, మలబద్ధకాన్ని తీవ్రతరం చేస్తుంది. టీలో ఉండే టానిన్లు ఆహారం నుండి శరీరానికి ఐరన్‌ను గ్రహించే సామర్థ్యాన్ని తగ్గిస్తాయి. ఇది రక్తహీనత (అనీమియా) సమస్యను పెంచే ప్రమాదం ఉంది. ముఖ్యంగా శాఖాహారులలో ఈ ప్రభావం ఎక్కువగా ఉండవచ్చు. టీలో ఉండే కెఫిన్ ఆకలిని అణచివేస్తుంది. దీనివల్ల సమయానికి ఆహారం తీసుకోకపోవడం, పోషకాహార లోపం ఏర్పడే అవకాశం ఉంటుంది.
టీలో కెఫిన్ అధికంగా ఉంటుంది. ఇది మెదడును చురుకుగా ఉంచి, నిద్రకు సహాయపడే మెలటోనిన్ హార్మోన్ ఉత్పత్తిని అడ్డుకుంటుంది. దీనివల్ల నిద్రలేమి సమస్యలు తలెత్తుతాయి. కెఫిన్ అతిగా తీసుకోవడం వల్ల కొందరిలో ఆందోళన (Anxiety), చికాకు, వణుకు (Tremors), గుండె దడ వంటి సమస్యలు వచ్చే అవకాశం ఉంది. టీ ఒక మూత్రవిసర్జక పదార్థం (Diuretic) లా పనిచేస్తుంది. అంటే ఇది మూత్ర ఉత్పత్తిని పెంచి, శరీరం నుండి ఎక్కువ నీటిని బయటకు పంపుతుంది. దీనివల్ల డీహైడ్రేషన్ సమస్యకు దారితీయవచ్చు. టీ ఎక్కువగా తాగేవాళ్లు ఈ విషయాలను కచ్చితంగా గుర్తుంచుకోవాలి. టీ తాగడం వల్ల దీర్ఘకాలంలో ఇబ్బందులు ఎదురయ్యే ఛాన్స్ ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి