ఈ సినిమాలో హీరోగా బాలీవుడ్ కండల వీరుడు సల్మాన్ ఖాన్ నటిస్తుండగా ప్రత్యర్ధి పాత్రలో ఇమ్రాన్ హష్మీ నటిస్తున్నారు. ఈ సినిమాలో ఇమ్రాన్ పాకిస్థాన్‌ ఐఎస్‌ఐ ఏజెంట్‌ పాత్ర పోషించబోతున్నట్లు సమాచారం. అయితే ఈ సినిమాలో హీరో సల్మాన్ కి పోటా పోటీగా కనిపించేందుకు ఇమ్రాన్ కండల వీరుడిగా మారడానికి సన్నాహాలు చేస్తున్నారు. అయితే ఈ మూవీలో ప్రత్యర్థిగా ఇమ్రాన్ ఎంట్రీ స్టోరీకి భారీ వెయిటేజ్ పెంచనుందట అందుకే ఆ సన్నివేశాన్ని భారీగా చూపించేందుకు దాదాపు పది కోట్లు ఖర్చు చేస్తున్నట్లు బాలీవుడ్ మీడియా వర్గాలు చెబుతున్నాయి.
వీరిద్దరి మధ్య యాక్షన్ సన్నివేశాలను అదిరిపోయేలా ప్లాన్ చేసినట్లు చెబుతున్నారు. మునుపెన్నడూ లేని రీతిలో కళ్ళు చెదరిపోయేలా ఈ యాక్షన్ సన్నివేశాలు ఉండబోతున్నాయి అంటూ సమాచారం. లోకేషన్ లకు కూడా భారీ గానే చెల్లించినట్లు తెలుస్తోంది. మనీష్‌ శర్మ దర్శకత్వం వహిస్తున్న ఈ చిత్రంలో సల్మాన్ కు జోడీగా బాలీవుడ్ సుందరి కత్రినా కైఫ్ నటిస్తోంది. వీరిద్దరి మధ్యన వచ్చే సన్నివేశాలలతో బాలీవుడ్ ప్రేక్షకులకు కనువిందు అని తెలుస్తోంది.
