నుంచి కాళ్ళకు వేసుకోనే చెప్పులు వరకు అన్నీ ఆఫర్లు ఉన్నాయి.ఇది ఒకే కానీ ఇప్పుడు ఓ సరికొత్త ఆఫర్ కూడా అందుబాటులో ఉంది..ఇదంతా కేవలం డబ్బుల కోసం అనేది స్పష్టం అవుతుంది..డబ్బులు మనిషి జీవితంలో చాలా ముఖ్యమైనవి..అందుకే అడ్డు దారులు కూడా తొక్కుతున్నారు..ఇది అంతా కేవలం డబ్బుల ప్రపంచం అని చెప్పాలి.మనీ మనిషి జీవితంలో ఎంత ముఖ్యమో ప్రత్యేకంగా చెప్పక్కర్లేదు. వస్తువుల కొనుగోళ్లే కాదు..ఆఖరికి బంధాలు సైతం మనీతో వచ్చేస్తున్నాయి. అవును, గంటల లెక్కన గదులు రెంట్ తీసుకోవడం చూశాం.. 

వాహనాలు రెంట్ తీసుకోవడం చూశాం.. వస్తువులు రెంట్ తీసుకోవడం చూశాం.. మరి ఇదేంటి అనుకుంటున్నారా..ఇది అక్షరాల నిజం..అదేమిటో కాస్త వివరంగా తెలుసుకుందాం…
తాజాగా బెంగళూరుకు చెందిన కొందరు టెకీలు సరికొత్త స్టార్టప్ మొదలు పెట్టారు. ఇందులో భాగంగా గంటకు ఇంత మొత్తం లెక్కన బాయ్‌ ఫ్రెండ్‌లను కిరాయికి ఇస్తారట. ఈ మేరకు ఏకంగా ఒక వెబ్‌సైట్‌నే ప్రారంభించారు టెకీలు. ఇప్పుడిది కన్నడనాట సంచలనంగా మారింది.ప్రియుడు వంచించాడనో, ప్రేమ విఫలమైందనో, నిజమైన ప్రేమ దక్కలేదనో బాధపడే యువతుల కోసం ఈ పోర్టల్‌ను మొదలు పెట్టినట్లు నిర్వాహకులు ప్రకటించారు. 'టాయ్ బాయ్' పేరిట స్టార్ట్ చేసిన ఈ పోర్టల్ ద్వారా డిప్రెషన్‌కు లోనయ్యే వారు, తమ బాధను పంచుకోవడం ద్వారా రిలాక్స్ అవ్వొచ్చంటున్నారు.

ఈ పోర్టల్ ద్వారా తమకు కావాల్సిన వారితో కాంటాక్ట్ అవ్వొచ్చని తెలిపారు. అయితే, ఈ ఫోర్టల్ ద్వారా 'బాయ్' ఎవరి వద్దకూ భౌతికంగా వెళ్లరని, ఫోన్ ద్వారా మాత్రమే కాంటాక్ట్ అవుతారని వివరించారు పోర్టల్ ప్రారంభించిన కౌశల్ ప్రకాశ్. ఫోన్ ద్వారా తమ బాధలను, సమస్యలను పంచుకుని, మానసిక ఆందోళన, ఒత్తిడి నుంచి దూరం అయ్యేందుకు సహకరిస్తారని తెలిపారు...ఈ సేవలు పోర్టల్‌తో పాటు, యాప్‌లోనూ అందుబాటులో ఉంటాయన్నారు. ఆర్ఏబీఎఫ్ అనే యాప్ ద్వారా బాయ్ ఫ్రెండ్‌ను పొందవచ్చు అని వివరించారు. ఎవరికైనా బాయ్ ఫ్రెండ్ కావాలనుకుంటే.. నిర్ణీత డబ్బు చెల్లించి, వారి సేవలను వినియోగించుకోవచ్చునని తెలిపారు. అయితే, ఈ పోర్టల్ ఇప్పుడు కన్నడనాట సంచలనంగా మారింది. కేవలం యువతులను ఉద్దేశించి ఈ పోర్టల్ రూపొందించడం, అద్దెకు అబ్బాయిలను ఇస్తామనడం వివాదాలకి దారి తీసింది..