తమిళ దర్శకుడు లోకేష్ కనకరాజ్ దర్శకత్వంలో నటిస్తున్న ఈ మూవీతో తనకు తిరిగి పూర్వ వైభవం వస్తుందని కమలహాసన్ ఆశిస్తున్నాడు. ఈ సినిమాను తెలుగు తమిళ మళయాళ కన్నడ హిందీ భాషలలో జూన్ 3న విడుదల చేయబోతున్నారు. అయితే ఈ మూవీకి పోటీగా రెండు భారీ అంచనాలు ఉన్న సినిమాలు విడుదల అవుతూ ఉండటంతో కమల్ గట్టిపోటీని ఎదుర్కుంటున్నాడు.
అడవి శేషు నటించిన ‘మేజర్’ మూవీ కూడ జూన్ 3న విడుదల కాబోతోంది. ఈ మూవీ పై కూడ అత్యంత భారీ అంచనాలు ఉన్నాయి. పాన్ ఇండియా మూవీగా భారీ స్థాయిలో విడుదల చేస్తున్నారు. ఇప్పటికే కొన్ని ప్రముఖ నగరాలలో ఈ మూవీకి సంబంధించిన ప్రీమియర్ షోలకు చాలామంచి స్పందన వస్తోంది. ఇక జూన్ 3న అక్షయ్ కుమార్ నటించిన ‘పృధ్వీరాజ్’ మూవీ విడుదల కాబోతోంది. సుమారు 300 కోట్ల భారీ బడ్జెట్ తో తీసిన ఈ చారిత్రాత్మిక మూవీ పై కూడ చాల అంచనాలు ఉన్నాయి.
ఈ సినిమాను కూడ హిందీతో పాటు దక్షిణాది భాషలలో డబ్ చేసి విడుదల చేస్తున్నారు. బాలీవుడ్ మీడియా ఈ మూవీ ‘బాహుబలి’ ‘పద్మావతి’ స్థాయిలో విజయవంతం అవుతుందని ఊహాగానాలు చేస్తోంది. ఇంత తీవ్రమైన పోటీ మధ్య కమలహాసన్ వెనుకడుగు వేయకుండా తన విక్రమ్ ను రంగంలోకి దింపుతున్నాడు. దీనితో ఈ ప్రముఖ పోటీలో ఎవరు విజేత అన్న విషయమై అనేక ఊహాగానాలు అప్పుడే మొదలైపోయాయి..
