ఇక ఇక్కడ దువ్వాడ జగన్నాధమ్ తో అమ్మడు సుడి తిరిగి తెలుగులో టాప్ హీరోయిన్ అయ్యింది. తెలుగు సినిమాలలో బిజీ అయినా బాలీవుడ్ మీద ఓ కన్నేసి ఉంచుతున్న పూజా హెగ్డేకి అక్కడ ఒక్క సినిమా కూడా కలిసి రాలేదనే చెప్పాలి. భారీ తారాగణంతో తెరకెక్కిన హౌస్ ఫుల్ 4 గత ఏడాది దీపావళి కానుకగా ప్రేక్షకుల ముందుకు వచ్చింది. అలా వచ్చి సరిగ్గా ఏడాది పూర్తీ అయింది. కామెడీ బేస్ మీద తెరకెక్కిన ఈ సినిమాలో పూజా హెగ్డే హీరోయిన్.
అయితే సినిమా భారీ అంచనాల నడుమ విడుదలై భారీ ఓపెనింగ్స్ తెచ్చుకున్నప్పటికీ డివైడ్ టాక్ వలన సినిమాకి కలెక్షన్స్ పడిపోవడంతో ఈ సినిమా కూడా ఆమె లిస్ట్లో ప్లాప్ మూవీగానే కౌంట్ పడింది. వెర్రి కామెడీతో తెరకెక్కిన ఈ సినిమాని ప్రేక్షకులు ఎంజాయ్ చేయలేకపోయారు. ఈ సినిమా రిలీజ్ అయి ఏడాది పూర్తయిన సందర్భంగా పూజ ట్వీట్ చేసింది. ఈ సినిమా రిలీజ్ అయి ఏడాది అయిందని, సెట్ లో ఎంత కామెడీ పండిందో అదంతా సినిమాలో కనిపించిందని ఆమె పేర్కొంది. ఇక ఆమెకు మరో బాలీవుడ్ ఛాన్స్ ఒచ్చింది. రన్ వీర్ సింగ్ హీరోగా నటిస్తోన్న ఈ సినిమాలో పూజా హీరోయిన్ గ ఎంపికయింది.