అలాంటి బన్నీ పాన్ ఇండియా రేంజ్ కోసం చేస్తున్న సినిమా అంటే ఆ సినిమాపై ఏ స్థాయి అంచనాలు ఉంటాయో చెప్పాలంటే మాటలు సరిపోవు, దానికి తోడు ఆ సినిమాను డైరెక్ట్ చేస్తుంది సుకుమార్. ఈ రెండు చాలు సినిమా భారీ హిట్ అందుకోవడానికి. వీరి కాంబోలో పుష్ప ప్రారంభం అయినప్పటి నుంచే ఈ సినిమా కోసం ప్రేక్షకులు ఎంతో ఆత్రుతగా ఎదురుచూస్తున్నారు. ఈ సినిమాపై వచ్చే ప్రతి వార్త కూడా ఓ సంచలనం అవుతున్న విషయం తెలిసిందే. అయితే ఈ సినిమాపై ప్రేక్షకులు చూపుతున్న ఆసక్తి, ఆదరణ బన్నీని మరింత ఆకట్టుకున్నాయి. దాంతో ఈ సినిమా కోసం బన్నీ డెడికేషన్ మామూలుగా పెరగలేదు. ఎంతలా పెరిగిందంటే ఒక్క సీన్ కోసం రాత్రంతా అడవిలోనే ఉండిపోయాడట.
ఈ సినిమాలో కాలవలో తెప్ప మీద నడుస్తూ వచ్చే సీన్ ఉందట. ఆ సీన్‌ను చీకట్లో చేయాలని సుకుమార్ అన్నాడట. అంతే చీకటి పడితే చేద్దామని, అప్పుడే సీన్ నాచురల్‌గా వస్తుందని, ఆ ఒక్క సీన్ కోసం బన్నీ అడవిలోనే ఉన్నాడట.ఆ రాత్రి మొత్తం అడవిలోనే గడిపి సీన్ పూర్తి చేసుకొని వచ్చాడట. సినిమా కోసం ఇంత డెడికేషన్ చూపించాడన్న వార్త వింటేనే ఒళ్లు గగుర్పొడుస్తోంది. ఇక ఆ సీన్ చూస్తే ఎలా ఉంటుందో తెలియాలంటే సినిమా విడుదల వరకు వేచి చూడాల్సిందే.
