అయితే దీని తరువాత ప్రముఖ దర్శకుడు శంకర్ దర్శకత్వంలో రామ్ చరణ్ తన నెక్స్ట్ మూవీ చేయనున్న విషయం తెలిసిందే. దిల్ రాజు నిర్మిస్తున్న ఈ సినిమాకి థమన్ సంగీతం అందిస్తున్నారు. మరికొన్ని రోజుల్లో సెట్స్ మీదకు వెళ్లనున్న ఈ సినిమాలో రామ్ చరణ్ ఒక డిఫరెంట్ పాత్రలో కనిపించనున్నారని, మంచి మెసేజ్ తో కూడిన భారీ యాక్షన్ ఎంటర్టైనర్ గా దర్శకుడు శంకర్ ఈ సినిమాని పాన్ ఇండియా స్థాయిలో తెరకెక్కించనున్నారని తెలుస్తోంది. అయితే ఈ సినిమాకి సంబంధించి ప్రస్తుతం ఒక వార్త ఫిలిం నగర్ వర్గాల్లో చక్కర్లు కొడుతోంది. దాని ప్రకారం ఈ సినిమాలోని ఒక కీలకమైన స్పెషల్ క్యారెక్టర్ లో లోకనాయకుడు కమల్ హాసన్ కనిపించనున్నారట. కేవలం కొన్ని క్షణాలు మాత్రమే ఉండే ఆ పాత్రకు కమల్ అయితేనే కరెక్ట్ అని భావించిన శంకర్, ఇటీవల ఆయనని కలిసి కథ వినిపించి నటించానికి ఒప్పందం కూడా కుదుర్చుకున్నట్లు టాక్. కాగా ఈ సినిమాకి సంబంధించి పూర్తి నటీనటవర్గం, సాంకేతిక నిపుణుల వివరాలు అతి త్వరలో అధికారికంగా వెల్లడి కానున్నట్లు చెప్తున్నారు. మరి ప్రస్తుతం విరివిగా ప్రచారం అవుతున్న ఈ వార్త కనుక నిజం అయితే ఒకే తెరపై చరణ్, కమల్ ల ద్వయాన్ని చూడవచ్చు .... !!
