అయితే, ఇంత బాగున్న సినిమాపై కొంతమంది కావాలనే కుట్రలు పన్నుతున్నారనే ఆరోపణలు అభిమానుల నుంచి వినిపిస్తున్నాయి. తేజ అభిమానులు సోషల్ మీడియాలో ఫైర్ అవుతూ, "సినిమా ఇంత బాగుంటే ఇలా నెగిటివ్ రివ్యూలు ఎందుకు రాస్తున్నారు? సినిమా తేజ సజ్జ స్థాయికి మించి ఉందని మేము భావిస్తున్నాం. తేజ ఒక్కో అడుగు ముందుకేసుకుంటూ ఎదుగుతున్న హీరో. అతను ఒకేసారి స్టార్ అయ్యిపోలేదని సినిమా విలువ తగ్గించాలా?" అంటూ ప్రశ్నిస్తున్నారు. తేజ సజ్జ కెరీర్‌‌లో ఇప్పటివరకు చూసిన ప్రతి సినిమా ప్రత్యేకతతో నిలిచింది. చిన్నతనం నుంచే చైల్డ్ ఆర్టిస్ట్‌గా ఇండస్ట్రీలో తన ప్రయాణం ప్రారంభించిన తేజ, ఇప్పుడు హీరోగా తనకంటూ ప్రత్యేక ఫ్యాన్‌బేస్ సంపాదించుకున్నాడు. అందుకే ఆయన ఎంచుకునే కథలు, పాత్రలు కొత్తదనం కలిగినవే. అభిమానులు మాట్లాడుతూ, "తేజ లాంటి ప్రతిభావంతుడైన హీరోపై ఇలా కావాలనే నెగిటివ్ రివ్యూలు రాయడం దారుణం. భవిష్యత్తులో తేజ తప్పకుండా పాన్-ఇండియా స్థాయిలో సూపర్ స్టార్ అవుతాడు. అందుకే ఇంత కష్టపడి మంచి సినిమాలు చేస్తున్నాడు. ఆయన కెరీర్‌పై ఇలా దెబ్బకొట్టే ప్రయత్నాలు చేయవద్దు" అని ఆగ్రహం వ్యక్తం చేస్తున్నారు.
ఇక నెగిటివ్ రివ్యూలు రాసే కొంతమంది మాత్రం వేరే కోణంలో వాదిస్తున్నారు. "సినిమా కథ, కాన్సెప్ట్ బాగానే ఉంది కానీ అది అందరికీ రీచ్ కాలేకపోయింది. ఒకవేళ ఈ కథను ఒక పెద్ద స్టార్ నటించి ఉంటే సినిమా రేంజ్ ఇంకా పెరిగేది" అనే అభిప్రాయం వ్యక్తం చేస్తున్నారు. ఈ అభిప్రాయాలను తేజ అభిమానులు అస్సలు అంగీకరించడం లేదు. "పెద్ద స్టార్ అవసరం లేకుండా ఒక మంచి సినిమా చూస్ చేసుకున్నాడు తేజ . ఈ కథకు ప్రాణం పోశాడు. సినిమా విజయానికి ఆయన నటన ప్రధాన కారణం" అని" ప్రశంసిస్తున్నారు. మొత్తానికి, "మిరాయి" సినిమా పాజిటివ్ రివ్యూలతో దూసుకుపోతున్నా, కొన్ని నెగిటివ్ కామెంట్స్ సోషల్ మీడియాలో హాట్ టాపిక్ అయ్యాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి