టీడీపీ నుంచి చాలామంది వారసులు రెండోసారైనా సక్సెస్ కావాలని చూస్తున్నారు. అయితే కొందరు టీడీపీ నేతల వారసుల భవిష్యత్..జనసేన అధినేత పవన్ కల్యాణ్ చేతుల్లో ఉందని చెప్పొచ్చు. ఎందుకంటే గత ఎన్నికల్లో టీడీపీ వారసులు రంగంలోకి దిగిన నియోజకవర్గాల్లో జనసేన ఓట్లు చీల్చి టీడీపీ ఓటమికి కారణమైంది. ఇక ఈ సారి మాత్రం జనసేన, టీడీపీతో కలిసి పోటీ చేసే అవకాశాలు ఉన్నాయని ప్రచారం జరుగుతుంది. అదే గాని జరిగితే కొందరు వారసులు రాజకీయంగా సక్సెస్ అవుతారు.
అలా సక్సెస్ అయ్యే వారిలో దివంగత బాలయోగి తనయుడు హరీష్ కూడా ఉంటారు. బాలయోగి వారసుడుగా రాజకీయాల్లోకి వచ్చిన హరీష్...గత ఎన్నికల్లో అమలాపురం ఎంపీగా పోటీ చేసి ఓడిపోయారు. ఇదే అమలాపురం నుంచి బాలయోగి పలుమార్లు ఎంపీగా గెలిచి లోక్సభ స్పీకర్గా కూడా పనిచేశారు. ఇదే స్థానంలో ఆయన వారసుడు మాత్రం రాజకీయంగా ఫెయిల్ అయ్యారు. కేవలం 40 వేల ఓట్ల తేడాతో ఆయన ఓడిపోయారు.
ఇక అమలాపురం పార్లమెంట్లో జనసేనకు పడిన ఓట్లు రెండులక్షల 54 వేల ఓట్లు..అంటే ఏ స్థాయిలో జనసేన ఓట్లు చీల్చిందో అర్ధం చేసుకోవచ్చు. అప్పుడే జనసేన కలిసి ఉంటే బాలయోగి వారసుడు గెలిచేవాడు. అయితే ఈ సారి పవన్ కల్యాణ్ సపోర్ట్ చేస్తేనే బాలయోగి తనయుడు గెలవగలరు...లేదంటే మళ్ళీ ఇబ్బంది పడక తప్పదు. మొత్తానికి చూసుకుంటే బాలయోగి వారసుడు భవిష్యత్ పవన్ కల్యాణ్ చేతుల్లోనే ఉందని చెప్పొచ్చు.