ఒక వేళ ఈ కొత్త విధానం అమల్లోకి వస్తే.. దేశంలోని అన్ని రాష్ట్రాల్లో పర్యాటక వాహనాలకు ఒకే రకమైన రుసుములు ఉండనున్నాయి.ప్రస్తుతం ఆంధ్రప్రదేశ్, తెలంగాణ, గుజరాత్, కర్ణాటక వంటి పలు రాష్ట్రాలు పర్యాటక వాహనాల నుంచి అత్యధిక రుసుములు వసూలు చేస్తున్నాయి. దీంతో ఈ కొత్త విధానం అమల్లోకి వస్తే ఆయా రాష్ట్రాల్లో ఈ ట్యాక్స్ 50 శాతం మేర తగ్గే అవకాశం ఉందని అధికారులు చెబుతున్నారు. ఇప్పటికే దీనికి సంబంధించి ముసాయిదా కూడా ఏర్పాటు చేసినట్లు అధికారులు చెబుతున్నారు. ఇక ఈ కొత్త విధానానికి సంబంధించి విడుదల చేసిన ముసాయిదాకు ఏ రాష్ట్రమూ అభ్యంతరం చెప్పలేదని సమాచారం.
‘ఇకపై పర్యాటక వాహనాలకు అన్ని రాష్ట్రాల్లో ఒకే రుసుము ఉంటుంది. అది సదరు వాహన సామర్థ్యం బట్టి నిర్ణయిస్తారని’ అధికారులు చెబుతున్నారు. అంతేకాకుండా అంతర్-నగర ప్రయాణాలకు ప్రేవేటు వాహనాల కంటే వాణిజ్య వాహనాలనే ప్రజలు ఎక్కువగా వాడే అవకాశం ఉందని మంత్రిత్వశాఖ అంచనా వేస్తోంది. రాబోయే రోజుల్లో ఈ కొత్త విధానం అమల్లోకి రానున్నట్లు తెలుస్తుంది. మరి ఈ విధానం టూరిస్ట్ వాహనాలలో ఎలాంటి వాటికి అమలవుతుంది. అనేదానిపై ఇంకా ఎలాంటి స్పష్టత రాలేదు.