అయితే.. మిగిలిన దేశాలు రష్యాపై దాడికి దిగితే.. రష్యాను నామరూపాలు లేకుండా చేస్తే ఏమవుతుంది.. అప్పుడు మిగిలిన ప్రపంచం కూడా సర్వనాశనం అవుతుందంటున్నారు కొందరు నిపుణులు.. ఎందుకంటే.. తాను ఎప్పుడైనా యుద్ధంలో ఓడిపోతే.. తనను ఎవరైనా సర్వనాశనం చేస్తే.. ఆ తర్వాత ఆటోమేటిగ్గా ప్రపంచం నాశనమయ్యేలా రష్యా ఓ ఆయుధ వ్యవస్థను రూపొందించుకుంది. దీన్ని బట్టి చూస్తే.. ఎప్పుడైతే రష్యా ఉండదో.. ఇక అప్పుడు ప్రపంచమూ ఉండదని నిపుణులు చెబుతున్నారు.
ఈ విషయాన్ని గతంలో ఓసారి పుతిన్ కూడా చెప్పేసాడు. ఈ వ్యవస్థ పేరే డెడ్ హ్యాండ్ వ్యవస్థ. గతంలో అమెరికా, రష్యా మధ్య తీవ్రస్థాయిలో ప్రచ్ఛన్న యుద్ధం జరిగిన సమయలోనే దీన్ని రూపొందించారట. ఆ సమయంలో అమెరికా నుంచి కాపాడుకొనేందుకు రష్యా తయారు చేసుకున్న ఆయుధ వ్యవస్థ ఈ డెడ్ హ్యాండ్ అన్నమాట. ఇప్పుడు రష్యా, అమెరికా వద్ధ ఉన్న అణ్వాయుధాల శక్తి అంతా ఇంతా కాదు.. ఒక్క మీట నొక్కితే.. ఏకంగా దేశానికి దేశమే భస్మీపటలం అయ్యేంత శక్తివంతమైనవి..
అలాంటి దాడి ఓ దేశంపై జరిగితే.. తిరిగి స్పందించడానికి ఆ దేశానికి అవకాశం ఉండదు. కానీ.. రష్యా పై దాడి చేస్తే మాత్రం అదే సమయంలో ప్రపంచం కూడా నాశనం అవుతుంది. ఎందుకంటే.. రష్యాపై దాడి చేసిన నాశనం చేస్తే.. ఆ విషయాన్ని గమనించి ప్రతిదాడి చేసేలా సెన్సర్లతో ఈ డెడ్ హ్యాండ్ వ్యవస్థను ఏర్పాటు చేశారు. తమ దేశంపై అణు దాడి జరిగితే.. దేశంలో వివిధ భాగాల్లో అమర్చిన సెన్సర్లు దాన్ని గుర్తించి కేంద్ర సైనిక కమాండ్కు సిగ్నల్స్ పంపుతుంది. అక్కడి నుంచి స్పందన లేకపోతే.. తర్వాత ఈ డెడ్ హ్యాండ్ వ్యవస్త తనంతట తానే అణు దాడి చేస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి