అప్పట్లోనే ఈ సినిమా ఏకంగా 26 కోట్ల రూపాయల బడ్జెట్ తో తెరకెక్కింది. శంకర్ ఈ సినిమాకు డైలాగ్స్, స్క్రీన్ ప్లే అందించగా సుజాత రంగనాథన్ ఈ సినిమా సక్సెస్ లో కీలక పాత్ర పోషించారు. ఒకే మనిషి ముగ్గురిలా కనిపించే సరికొత్త కాన్సెప్ట్ తో తెరకెక్కిన ఈ సినిమా సంచలన విజయాన్ని సొంతం చేసుకుంది. ఏకంగా 37 సెంటర్లలో 100 రోజులు ఆడిన ఈ సినిమా బాక్సాఫీస్ వద్ద సంచలనాలు సృష్టించింది.
హైదరాబాద్ గచ్చిబౌలి స్టేడియంలో అపరిచితుడు పబ్లిక్ తో మాట్లాడే సన్నివేశాన్ని షూట్ చేశారు. శంకర్ ఈ కథను మొదట రజనీకాంత్ కు వినిపించగా ఆయన నో చెప్పడంతో విక్రమ్ ఈ సినిమాలో నటించే అవకాశాన్ని సొంతం చేసుకున్నారు. హీరో విక్రమ్ భార్య శైలజ సైకియాట్రిస్ట్ కాగా ఈ సినిమా కోసం విక్రమ్ ఆమె సలహాలు తీసుకున్నారు. ఐశ్వర్యారాయ్, సిమ్రాన్ ఈ సినిమాకు నో చెప్పడంతో సదా ఈ సినిమాలో హీరోయిన్ గా ఎంపికయ్యారు. ఈ సినిమాకు హరీష్ జైరాజ్ మ్యూజిక్ అందించారు.
ఫ్రెంచ్ భాషలో విడుదలైన తొలి సౌత్ సినిమా అపరిచితుడు కావడం గమనార్హం. ఈ సినిమాలోని ఒక ఫైట్ సీన్ కోసం ఏకంగా 120 కెమెరాలను ఉపయోగించారు. 2005 సంవత్సరం జూన్ నెల 17వ తేదీన ఈ సినిమా థియేటర్లలో విడుదలైంది. లంచం, నిర్లక్ష్యం లేని సమాజం కోసం అపరిచితుడు పోరాడగా నేటికీ సమాజంలో మార్పు అయితే రాలేదని కామెంట్లు వ్యక్తమవుతు ఉండటం గమనార్హం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి