ఇంతకు ముందు ఆయన చివరి సినిమా "ఉస్తాద్ భగత్ సింగ్" అవుతుందని, ఆ తర్వాత పూర్తిగా రాజకీయాలకే అంకితం అవుతారని అనుకున్నారు. కానీ “ఓజీ” సినిమా చూసిన తర్వాత అభిమానులు మాత్రం అలా అనుకోవడం మానేశారు. “పవన్ కళ్యాణ్ సినిమాలు ఆపకూడదు! ఆయన ఇంకా చేయాల్సిందే!” అంటూ సోషల్ మీడియాలో ఫ్యాన్స్ రచ్చ రచ్చ చేస్తున్నారు.దీంతో పవన్ కళ్యాణ్ కొత్త సినిమాల అప్‌డేట్స్ గురించి వార్తలు సోషల్ మీడియాలో బాగా వైరల్ అవుతున్నాయి. వైరల్ అవుతున్న సమాచారం ప్రకారం, ఆయన తాజాగా ఇద్దరు టాప్ డైరెక్టర్లతో కొత్త సినిమాలకు గ్రీన్ సిగ్నల్ ఇచ్చారట. అందులో ఒకరు ప్రముఖ తమిళ్ డైరెక్టర్, మరొకరు తెలుగు స్టార్ డైరెక్టర్ అని టాక్ వినిపిస్తోంది.
అయితే పవన్ కళ్యాణ్ మళ్లీ సినిమాలపై ఇంత ఆసక్తి ఎందుకు చూపిస్తున్నారు? ఇటీవల వరకూ “రాజకీయాలే నా ప్రధాన లక్ష్యం” అని స్పష్టంగా చెప్పిన పవన్ ఇప్పుడు ఎందుకు మళ్లీ సినిమా షూటింగ్‌ల వైపు మొగ్గు చూపుతున్నారు? అనే ప్రశ్న ఫ్యాన్స్‌తో పాటు రాజకీయ వర్గాల్లో కూడా చర్చనీయాంశంగా మారింది.ఇదంతా వెనుక ఉన్న మేథావి త్రివిక్రమ్ శ్రీనివాస్ పని అంటూ కొందర్ మాట్లాడుతున్నారు. పవన్ కళ్యాణ్‌కి త్రివిక్రమ్ అత్యంత సన్నిహిత మిత్రుడు అన్న విషయం అందరికీ తెలిసిందే. ఆయనే పవన్ కెరీర్‌లో కీలక నిర్ణయాలు తీసుకునేలా ప్రేరణనిస్తారనే మాట చాలాకాలంగా వినిపిస్తోంది. ఇప్పుడు కూడా రాజకీయ ఒత్తిళ్ల మధ్య పవన్ మళ్లీ సినిమాల వైపు తిరగడానికీ, సమతౌల్యంగా రెండింటినీ కొనసాగించడానికీ త్రివిక్రమ్ ప్రభావం ఉందనే ప్రచారం జోరుగా సాగుతోంది.
అయితే కొంతమంది రాజకీయ విశ్లేషకులు మాత్రం ఈ ట్రెండ్‌పై భిన్నంగా స్పందిస్తున్నారు. వారి అభిప్రాయం ప్రకారం — ఒకవైపు సినిమాలు, మరోవైపు రాజకీయాలు రెండింటినీ సమానంగా కొనసాగించడం పవన్ కళ్యాణ్ భవిష్యత్తు రాజకీయ జీవితానికి తీవ్ర నష్టం కలిగించవచ్చని అంటున్నారు. “త్రివిక్రమ్ - పవన్ కళ్యాణ్ పొలిటికల్ కెరీర్‌ను దెబ్బతీస్తున్నాడు” అంటూ కొందరు సోషల్ మీడియాలో ఘాటుగా కామెంట్లు చేస్తున్నారు. అసలు ఈ వార్తల్లో ఎంతవరకు నిజముందో తెలియదు. కానీ ఒక విషయం మాత్రం స్పష్టంగా చెప్పాలి — పవన్ కళ్యాణ్ చేసే ప్రతి నిర్ణయం సోషల్ మీడియాలో సునామీ స్థాయిలో చర్చనీయాంశంగా మారుతోంది. సినిమా కానీ రాజకీయాలు కానీ — పవన్ కళ్యాణ్ పేరు ఉన్నచోట ఎప్పుడూ హీట్ ఉండబోతోందన్నది మాత్రం ఫ్యాన్స్‌కు బాగా తెలుసు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి